კატეგორიები

  • ივერიუმი-ჰუმანითი 5მგ 10 ტაბლეტი

  • ფასი: 0.00 ლ
  • ჩვენებები: დესლორატადინი ინიშნება ცხვირის და სხვა სახის ალერგიული რინიტის სიმპტომების სამკურნალოდ (სეზონური და წლიური) ქრონიკული იდიოპათიური ჭინჭრის ციება: ინიშნება პრურიტის სიმპტომური მკურნალობისთვის, ჭინჭრის ციების ზომაში და რაოდენობაში შესამცირებლა



ფარმაცევტული პროდუქტის სამედიცინო

გამოყენების ინსტრუქცია

 

ივერიუმ-ჰუმანითი

Iverium-Humanity

 

შემადგენლობა

თითოეული გარსით დაფარული ტაბლეტები შეიცავს:

დესლორატადინი  5მგ

ფარმაკოთერაპიული ჯგუფი და ანატომიურ-თერაპიულ-ქიმიური კლასიფიკაციის კოდი (ათქ): H1 ჰისტამინის ანტაგონისტი, ათქ კოდი:R06AX27

ფარმაკოლოგია:

დესლორატადინი წარმოადგენს ლორატადინის ძირითად, ხანგრძლივად მოქმედ, აქტიურ მეტაბოლიტს, არასედატიურ, მეორე თაობის H1 ჰისტამინის ანტაგონისტს. იგი სელექციურად ბლოკავს პერიფერულ H1 ჰისტამინის რეცეპტორებს და მათ შესვლას ცენტრალურ ნერვულ სისტემაში. მისი ანტიჰისტამინური მოქმედების გარდა კვლევების მიხედვით, იგი აინჰიბირებს ალერგიის-ანთების გამომწვევ მოვლენებს.

ფარმაკოკინეტიკა:

დესლორატადინი სწრაფად შეიწოვება კუჭ-ნაწლავის ტრაქტიდან და მაქსიმალური პლაზმური კონცენტრაცია მიიღწევა 3 საათში. არ შეინიშნება პრეპარატის აკუმულაცია და საკვებს არ გააჩნია დესლორატადინის აბსორბციაზე გავლენა. დესლორატადინის ცილებთან კავშირი საშუალოდ 85%-ია. საშუალო ნახევარგამოყოფის პერიოდი 28 საათია.

ჩვენებები:

  • დესლორატადინი ინიშნება ცხვირის და სხვა სახის ალერგიული რინიტის სიმპტომების სამკურნალოდ (სეზონური და წლიური)
  • ქრონიკული იდიოპათიური ჭინჭრის ციება: ინიშნება პრურიტის სიმპტომური მკურნალობისთვის, ჭინჭრის ციების ზომაში და რაოდენობაში შესამცირებლად, 12 წლის და მეტი ასაკის პაციენტებში ქრონიკული იდოპათიური ჭინჭრის ციების დროს.

დოზირება და მიღების წესი:

მოზრდილებში და 12 წლის დამეტი ასაკის ბავშვებში დესლორატადინისრეკომენდებული დოზებია 5 მგ დღეში ერთხელ. პაციენტებში ღვიძლის და თირკმლის უკმარისობით, ფარმაკოკინეტიკური მონაცემების მიხედვითსაწყისი დოზა შეადგენს 5მგ ყოველ მეორე დღეს.

უკუჩვენებები:

დესლორატადინი უკუნაჩვენებია პრეპარატის ნივთიერებების მიმართ მომატებული მგრძნობელობის დროს.

სიფრთხილის ზომები და განსაკუთრებული მითითებები:
ვინაიდან, საკვები არ მოქმედებს ბიოშეღწევადობაზე, დესლორატადინის მიღება 

შესაძლებელია საკვებისგან დამოუკიდებლად. დაუშვებელია დოზის გაზრდა ან უფრო ხშირად მიღება, რადგან კვლევების მიხედვით არ დაფიქსირებულა ეფექტურობის მომატება და შესაძლებელია განვითარდეს ძილიანობა.

ორსულობა: ორსულებში არ არსებობს ადექვატური და კარგად-კონტროლირებადი კვლევები. ცხოველებში ჩატარებული კვლევების შედეგებით ხელმძღვანელობა ადამიანებში ყოველთვის არ არის შესაძლებელი. დესლორატადინის გამოყენება ორსულობის დროს უნდა მოხდეს მხოლოდ აუცილებლობის შემთხვევაში.

ლაქტაცია: დესლორატადინი გადადის დედის რძეში; საჭიროა გადაწყვეტილების მიღება, შეწყდეს ლაქტაცია თუ დესლორატადინის მიღება, პაციენტისთვის პრეპარატის მიღების აუცილებლობის გათვალისწინებით.

ბავშვები: 12 წელზე ნაკლები ასაკის ბავშვებში დესლორატადინის უსაფრთხოება და ეფექტურობა არ არის დადგენილი.

გერიატრიული პაციენტები:ხანდაზმულებში დოზის შერჩევა უნდა მოხდეს სიფთხილით.

გვერდითი  მოვლენები:
პაციენტებში ალერგიული რინიტის მკურნალობის დროს შეინიშნებოდა ფარინგიტის, პირის სიმშრალის, მიალგიის, დაღლილობის, ძილიანობის და დისმენორეას განვითარება.

პაციენტებში ქრონიკული იდიოპათიური ჭინჭრის ციების მკურნალობის დროს განვითარებული გევრდითი მოვლენებია თვის ტკივილი, გულისრევა, დაღლილობა, თავბრუსხვევა, ფარინგიტი, დისპეფსია და მიალგია.

დესლორატადინის პოსტმარკეტინგული სპონტანურად შეტყობინებული გვერდითი მოვლენებია ტაქიკარდია და იშვიათად ჰიპერმგრძნობელობის რეაქციები (როგორიცაა გამონაყარი, პრურიტი, ჭინჭრის ციება, ედემა, დისპეფსია და ანაფილაქსია), ასევე ღვიძლის ენზიმების და ბილირუბინის მომატება.

ურთიერთქმედება სხვა პრეპარატებთან:

ელექტროკარდიოგრაფიული პარამეტრებით  (კორექტირებული QT ინტერვალის ჩათვლით), კლინიკური ლაბორატორიული ანალიზებით, სასიცოცხლო ნიშნებით და გვერდითი მოვლენების განვითარებით შეფასებისას არ შეიმჩნეოდა დესლორატადინის უსაფრთხოების პროფილის კლინიკურად დაკავშირებული ცვლილება ისეთ პრეპარატებთან ერთად მიღებისას, როგორიცაა კეტოკონაზოლი, ერითრომიცინი, აზითრომიცინი, ფლუოქსეტინი და ციმეტიდინი.

დოზის გადაჭარბება

დოზის გადაჭარბების შემთხვევაში რეკომენდებულია სიმპტომური და შემანარჩუნებელი თერაპიის წარმართვა. დესლორატადინი და 3-ჰიდროქსიდესლორატადინი არ გამოიდევნება ჰემოდიალიზით.

შენახვის პირობები:

დესლორატადინის ტაბლეტები 5მგ ინახება არაუმეტეს 25°C ტემპერატურაზე ბავშვებისთვის მიუწვდომელ ადგილას.

შეფუთვის ფორმა

ალუ-ალუ ბლისტერზე მოცმეულია 10 ტაბლეტი. თითო ბლისტერი მოთავსებულია მუყაოს კოლოფში.

 

აფთიაქიდან გაცემის წესი:

ფარმაცევტულიპროდუქტისჯგუფი- III ჯგუფი, გაიცემა რეცეპტის გარეშე

 

ვარგისობის ვადა:

36 თვე წარმოების თარიღიდან.

 

მწარმოებელი:

Unimax Laboratories., indoeTi.

სავაჭროლიცენზიისმფლობელი:

ს.ს.”ჰუმანითი-ჯორჯია”, საქართველო

PSP გირჩევთ