კატეგორიები

  • ჰალოტან-ფარკო 250მლ 1ფლაკონი

  • ფასი: 0.00 ლ
  • მოიძიე აფთიაქებში

    გაიცემა მხოლოდ რეცეპტით
  • ჰალოტანი გამოიყენება ზოგადი ანესთეზიისათვის



სამედიცინო გამოყენების ინსტრუქცია
ჰალოტანი-ფარკო
Hალოტჰან-Pჰარცო
საინჰალაციო-საანესთეზიო სითხე
(ჰალოტანი) B.P. 98


შემადგენლობა:
ჰალოტანი 99.9%, სტაბილიზებული 0.01% თიმოლით.

აღწერილობა:
ჰალოტანი წარმოდგენილია სითხის სახით და გამოიყენება, როგორც საინჰალაციო საანესთეზიო საშუალება. ის არ არის აალებადი და ფეთქებადი. – ტენიან პირობებში. ორთქლი აზიანებს ალუმინს, ლატუნს და ტყვიას, მაგრამ არა სპილენძს და რეზინს. ზოგიერთი პლასტმასი და მისი მსგავსი მასალა იხსნება ჰალოტანში და სწრაფად ფუჭდება მის ორთქლთან კონტაქტის შემდეგ. ჰალოტანის სტაბილურობის შენარჩუნება ხდება 0.01% თიმოლის დამატებით.

ფარმაკოლოგიური მოქმედება:
ჰალოტანი არის საინჰალაციო საანესთეზიო საშუალება. სწრაფად ხდება, როგორც მისი მოქმედების დაწყება, ისე დასრულება და ანესთეზიის სიღრმის შეცვლა შესაძლებელია მცირე დროში. ჰალოტანი სუნთქვაზე ზემოქმედებას ახდენს თანდათანობით. შესაძლებელია ადგილი ჰქონდეს ტაქიპნოეს, ალვეოლური ვენტილაციის შემცირებით. ჰალოტანი არ აღიზიანებს სასუნთქ გზებს და არ ხდება ჰიპერსალივაცია და ბრონქული სეკრეციის გაზრდა. ფარინგეალური და ლარინგო რეფლექსები სწრაფად ქვეითდება, რაც იწვევს ბრონქოდილატაციას.
ანესთეზიის დროს შესაძლებელია განვითარდეს ჰიპოქსია, აციდოზი ან აპნოე.
ჰალოტანი აქვეითებს წნევას და ხშირად ამცირებს პულსს, წამლის კონცენტრაციის ზრდასთან ერთად ეს ცვლილებები უფრო თვალსაჩინო ხდება.
ატროპინმა შესაძლოა მოახდინოს ბრადიკარდიის კუპირება. ჰალოტანი არ ახდენს ადრენერგული დეპოებიდან კატექოლამინების გამონთავისუფლებას. ჰალოტანი, იწვევს კანის და ჩონჩხის კუნთების სისხლძარღვთა დილატაციას.
ჰალოტანის ნარკოზის დროს შესაძლოა ადგილი ჰქონდეს არითმიის განვითარებას, რაც მოიცავს კვანძოვან რითმს, ავ დისოციაციას, პარკუჭოვან ექსტრასისტოლიას და ასისტოლიას. ჰალოტანი ზრდის მიოკარდიუმის მგრძნობელობას ეპინეფრინის ან ნორეპინეფრინის მიმართ და მათმა კომბინაციამ შესაძლოა გამოიწვიოს სერიოზული არითმია.
ჰალოტანი ზრდის ცერებრო-სპინალური სითხის წნევას. იგი იწვევს ზომიერ კუნთოვან დილატაციას. მას ხშირად უმატებენ მიორელაქსანტებს ანესთეზიის შედარებით დაბალი დონის შესანარჩუნებლად. ჰალოტანი წარმოადგენს საშვილოსნოს პოტენციურ რელაქსანტს და ყველაზე პოტენციური საანესთეზიო საშუალებაა ადამიანებში, მინიმალური ალვეოლარული კონცენტრაციით (მაკ) – 0.64%. აღმოჩნდა, რომ მაკ-ი მცირდება ასაკთან ერთად.


ჩვენებები:
ჰალოტანი გამოიყენება ზოგადი ანესთეზიისათვის

უკუჩვენებები:
ჰალოტანი არ არის რეკომენდებული სამეანო ანესთეზიის დროს, გარდა იმ შემთხვევებისა, როდესაც საჭიროა საშვილოსნოს რელაქსაცია.

გაფრთხილებები:
როდესაც ჰალოტანის წინა ექსპოზიციის დროს ადგილი აქვს ღვიძლის უეცარი დისფუნქციის ან/და სიყვითლის განვითარებას, საჭიროა სიფრთხილის ზომების დაცვა სხვა აგენტების გამოყენებასთან დაკავშირებითაც.
- ორსულობა: ჰალოტანი ორსულობის დროს გამოიყენება მხოლოდ მაშინ, როდესაც პოტენციური სარგებელი აღემატება ნაყოფზე ზემოქმედების პოტენციურ რისკს.
ჰალოტანით მიღწეული საშვილოსნოს რელაქსაცია, მიუხედავად კარგი კონტროლისა, შესაძლოა არ გამოდგეს სრული ან ადგილი ჰქონდეს დერივატების და უკანა ოქსიტოციტური ექსტრაქტის არსებობას.
- ასევე, საჭიროა სიფრთხილე, როდესაც ჰალოტანი შეჰყავთ ლაქტაციის პერიოდში.

სიფრთხილის ზომები:
ჰალოტანის გამოყენება უნდა მოხდეს ისეთი ინჰალატორით, რომელიც იძლევა ზომიერი გამოფრქვევის შესაძლებლობას და უკეთესია თუ ის იქნება დანაყოფებიანი. ის უნდა მოთავსდეს უკუ-შესუნთქვის დახურული სისტემის გარეთ, წინააღმდეგ შემთხვევაში არსებობს დოზის გადაჭარბების საშიშროება. პაციენტი უნდა იყოს დაკვირვების ქვეშ, რათა დროულად მოხდეს დოზის გადაჭარბების ამოცნობა. მაგ. სისხლის წნევის, პულსის სიხშირის, ვენტილაციის შემცირება, განსაკუთრებით, როდესაც ვენტილაცია ხდება ასისტირებით ან კონტროლით.
ჰალოტანი ზრდის ცერებრო-სპინალური სითხის წნევას. ამიტომ, თუ იგი გამოიყენება პირებში, მაღალი ინტრაკრანიალური წნევით, ასეთ შემთხვევებში მისი შეყვანა ხდება ცერებრო-სპინალური წნევის დამწევი ღონისძიებების ფონზე.
ვენტილაცია უნდა შეფასდეს ყურადღებით და შესაძლოა საჭირო გახდეს ასისტირებული ან კონტროლირებადი ვენტილაცია, ადექვატური ოქსიგენაციის და ნახშირბადის დიოქსიდის გამოყოფის შესაფასებლად.
საეჭვო პირებში ჰალოტანმა შესაძლოა გამოიწვიოს ჰიპერმეტაბოლური მდგომარეობა, რა იწვევს ჟანგბადზე მომატებულ მოთხოვნილებას და შესაძლოა განვითარდეს ისეთი კლინიკური სიმპტომი, როგორიცაა ავთვისებიანი ჰიპერთერმია. თუმცა უნდა აღინიშნოს, რომ ჰალოტანის შემდგომ, მეორადად განვითარებული ავთვისებიანი ჰიპერთერმიის სინდრომი საკმაოდ იშვითია.

ურთიერთქმედება სხვა წამლებთან:
- ადრენალინის ან ნორადრენალინის შეყვანა აუცილებლობის შემთხვევაში უნდა მოხდეს დიდი სიფრთხილით, ვინაიდან ჰალოტანთან ერთად შესაძლოა გამოიწვიოს პარკუჭოვანი ტაქიკარდია ან ფიბრილაცია.
- არა-მადეპოლარიზებელი კუნთოვანი რელაქსანტების და განგლიომაბლოკირებელი საშუალებების გამოყენება ხდება სიფრთხილით, ვინაიდან მათი მოქმედება ძლიერდება ჰალოტანის მიერ.
- კლინიკური გამოცდილება და კვლევები ცხოველებზე გვაძლევს საშუალებების, რომ ჰალოტანის ნარკოზთან ერთად პანკურონიუმის გამოყენება უნდა მოხდეს სიფრთხილით პაციენტებში, რომლებიც იღებენ ტრიციკლურ ანტიდეპრესანტებს, მძიმე პარკუჭოვანი არითმიის განვითარების ალბათობის გამო.

 

გვერდითი ეფექტები:
ადგილი აქვს შემდეგ გვერდით ეფექტებს: ღვიძლის მსუბუქი, საშუალო და მძიმე დისფუნქცია (მათ შორის ჰეპატონეკროზი), გულის გაჩერება, ჰიპოტენზია, სუნთქვის გაჩერება, არითმიები, ჰიპერპირექსია, გულისრევა და პირღებინება.

დოზირება და მიღების წესები:
ჰალოტანის მიღება შესაძლებელია არა-სასუნთქი ტექნიკით, ნაწილობრივ უკუ-შესუნთქვით ან დახურული ტექნიკით.
შესაყვანი დოზა მერყეობს პაციენტიდან გამომდინარე, მაგრამ ძირითადად იგი არის შემდეგი: 0.5%-3% და შემანარჩუნებელი დოზა 0.5%-იდან 1.5%-მდე.
ჰალოტანის შეყვანა შესაძლებელია მოხდეს, როგორც ჟანგბადთან, ასევე ჟანგბადის და აზოტის ქვეჟანგის ნარევთან ერთად. ჰალოტანის დოზაში არსებული თიმოლი არ ორთქლდება ჰალოტანთან ერთად, ამიტომ შესაძლებელია იგი დაგროვდეს ინჰალატორში და იმავდროულად მოახდინოს დარჩენილი სითხის ყვითლად შეფერვა ან დაილექოს ინჰალატორში. ფერის ასეთი ცვალებადობა შესაძლოა გამოყენებულ იქნას იმის ინდიკატორად, რომ ინჰალატორი უნდა გაიწმინდოს, ხოლო უფერო ჰალოტანი განადგურდეს. დაგროვილი თიმოლის მოცილება შესაძლებელია დიეთილეთერით.
ინჰალატორის გაწმენდის შემდეგ უნდა დავრწმუნდეთ, რომ დიეთილეთერი სრულად მოშორდა, რათა არ მოხდეს ეთერის სისტემაში შესვლა.

გამოშვების ფორმა:
ჰალოტანი ფარკო წარმოდგენილია 100 მლ და 250 მლ-იან ქარვისფერ ბოთლში, სტაბილიზირებულია 0.01% თიმოლით.

შენახვის პირობები:
ინახება სითბოსგან და სინათლისაგან მოშორებით არსებულ კონტეინერში,
ბავშვებისაგან მიუწვდომელ ადგილას.

შენახვის ვადა 3 წელი

შენახვის წესი
ინახება 15-300ჩ-ზე (სინათლისაგან დაცულ ადგილას).
ინახება ბავშვებისათვის მიუწვდომელ ადგილას.

მხოლოდ სტაციონარებისათვის

მწარმოებელი: მწარმოებელი ფარკო ფარმაცევტიკალსი, კილო 31, ალექსანდრია-კაირო დეზერტ როად, ეგვიპტე