კატეგორიები

ინფორინი სუსპენზია 100მგ/5მლ 100მლ
  • ინფორინი სუსპენზია 100მგ/5მლ 100მლ

  • ფასი: 0.00 ლ
  • ჩვენებები: სიცხის დამწევი საშუალების სახით მწვავე რესპირატორული დაავადებების, გრიპის, ბავშვებში ინფექციების, აცრების შემდგომი რეაქციების და სხვა სახის ინფექციურ-ანთებითი დაავადებების დროს, რომელსაც თან ახლავს მაღალი ტემპერატურა. პრეპარატი გამოიყენება



ინფორინი

პრეპარატის სამედიცინო გამოყენების ინსტრუქცია

 

სავაჭრო დასახელება: ინფორინი

საერთაშორისო არაპატენტირებული დასახელება: იბუპროფენი

წამლის ფორმა: სუსპენზია შიგნით მისაღებად.

შემადგენლობა: სუსპენზიის ყოველი 5 მლ შეიცავს:

აქტიური ნივთიერება: იბუპროფენი 100მგ

ფარმაკოთერაპიული ჯგუფი: არასტეროიდული ანთების საწინააღმდეგო საშუალება (აასს).

ათქ კოდი: M01AE01.

ფარმაკოლოგიური მოქმედება:

ფარმაკოდინამიკა:

იბუპროფენი - ფენილპროპიონის მჟავას წარმოებულია და მიეკუთვნება არასტეროიდული ანთების საწინააღმდედო პრეპარატების ჯგუფს. გააჩნია ტკივილგამაყუჩებელი, სიცხის დამწევი და ანთების საწინააღმდეგო მოქმედება. მოქმედების მექანიზმი უკავშირდება პროსტაგლანდინების გამოთავისუფლების და/ან სინთეზის ინჰიბირებას.

ფარმაკოდინამიკა:

იბუპროფენი შეიწოვება საჭმლის მომნელებელი ტრაქტიდან დაახლოებით 80%-ით. საკვები არ მოქმედებს იბუპროფენის შეწოვაზე. პრეპარატის კონცენტრაცია იზრდება დოზის პროპორციულად. პრეპარატის მაქსიმალური კონცენტრაცია სისხლის შრატში მიიღწევა პერორალურად მიღებიდან 45 წუთის - 1სთ-ის  .

იბუპორფენი 99%-ზე მეტად უკავშირდება სისხლის ცილებს, ძირითადად ალბუმინს. განაწილების მოცულობა - 6,65 – 8,88 ლ. სახსრების ჩანთებში პრეპარატი აღწევს შედარებით ნელა, მაქსიმალური კონცენტრაცია შეინიშნება მიღებიდან 5-6 საათში. სახსრების ჩანთებდან იბუპროფენის გამოყოფა ნელია, მათ შორის ალბუმინთან ძლიერი კავშირის გამო. პრეპარატის კონცენტრაცია სინოვიალურ სითხეში ნარჩუნდება 80-285 წუთის მანძილზე, რის შემდეგაც ნელა მცირდება.

იბუპროფენი მეტაბოლიზდება ღვიძლში 4 მეტაბოლიტის წარმოქმნით. არააქტიური მეტაბოლიტების სახით გამოიყოფა ორგანიზმიდან ძირითადად თირკმელებით. 24 საათის განმალვობაში მიღებული დოზა გამოიყოფა სრულიად. იბუპროფენის მცირედი რაოდენობა გამოიყოფა ფეკალიებით. იბუპროფენის ნახევარგამოყოფის პერიოდი 200მგ ერთჯერადი დოზის მიღების შემდეგ შეადგენს 1,93 სთ, 400მგ - 1,78-2,31 სთ, მრავალჯერადი მიღებისას - 2-2,5 სთ. მიიჩნევა, რომ ბავშვებში ნახევარგამოყოფის პერიოდი მნიშვნელოვნად არ განსხვავდება მოზრდილებში არსებული პერიოდისგან.

ჩვენებები:

  • სიცხის დამწევი საშუალების სახით მწვავე რესპირატორული დაავადებების, გრიპის, ბავშვებში ინფექციების, აცრების შემდგომი რეაქციების და სხვა სახის ინფექციურ-ანთებითი დაავადებების დროს, რომელსაც თან ახლავს მაღალი ტემპერატურა.
  • პრეპარატი გამოიყენება ტკივილგამაყუჩებელის სახით სუსტი ან ინტენსიური ტკივილის სინდრომის დროს, მათ შორის: თავის და კბილის ტკივილი, შაკიკი, ნევრალგიები, ტკივილი ყურებში და ყელის, დაჭიმულობისას ტკივილი და სხვა სახის ტკივილის დროს.

უკუჩვენებები:

  • იბუპროფენის, აცეტილსალიცილის მჟავას ან სხვა აასს-ების , ასევე პრეპარტის სხვა კომპონენტების მიმართ მომატებული მგრძნობელობა.
  • ბრონქული ასთმა, ჭინჭრის ციება, რინიტი, პროვოცირებული აცეტილსალიცილის მჟავით (სალიცილატებით) ან სხვა აასს-ებით.
  • ბავშვში კუჭ-ნაწლავის ტრაქტის წყლულოვანი დაზიანება;
  • კუჭ-ნაწლავის აქტიური სისხლდენა;
  • ნაწლავის ანთებითი დაავადება
  • დადასტურებული ჰიპოკალემია
  • სისხლის დაავადება: ჰიპოკოაგუალცია, ლეიკოპენია, ჰემოფილია;
  • თირკმლის და/ან ღვიძლის უკმარისობა;
  • სმენის დაქვეითება.

სიფრთხილით:

ბავშვისთვის იბუპროფენის მიცემამდე საჭიროა ექიმთან კონსულტაცია, თუ ბავშვი:

  • იღებს სხვა სახის ტკივილგამაყუჩებლებს;
  • ანამნეზში აღენიშნება: წყლულოვანი დაავადება, გასტრიტი, წყლულოვანი კოლიტი, კუჭ-ნაწლავის ტრაქტიდან სისხლდენა;
  • აქვს თირკმლის ან ღვიძლის დაავადება
  • pilori-ს არსებობა;
  • იღებს არაპირდაპირ ანტიკოაგულანტებს (შიგნით მისაღები პრეპარატები, სისხლის შედედების შესუსტებისთვის), არტერიული წნევის დამწევი პრეპარატები, გლუკორტიკოსტეროიდები, ანტიაგრეგანტები, შარდმდენები (პრეპარტები შარდვის გასაძლიერებლად), ლითიუმის პრეპარატები, მეთოტრექსატი.

მიღების წესი და დოზირება:

გამოყენებამდე შეანჯღრიეთ სუსპენზია.

საზომი შპრიცის გამოყენება:

ყოველთვის გაიმეორეთ პროცედურა, როდესაც იღებთ პრეპარატს.

  • კარგად მოარგეთ შპრიცი ფლაკონის ყელს.
  • კარგად შეანჯღრიეთ სუსპენზია
  • გადმოაბრუნეთ ფლაკონი და ამოწიეთ დგუში, იმისათვის რომ ამოიღოთ საჭირო რაოდენობის სუსპენზია.
  • დააბრუნეთ ფლაკონი საწყის მდგომარეობაში და ფრთხილად მოაშორეთ შპრიცი.
  • მოათავსეთ შპრიცი ბავშვის პირის ღრუში და ნელა მიაწექით დგუშს რომ გამოვიდეს სუსპენზია.
  • გამოყენების შემდეგ გარეცხეთ შპრიცი თბილ წყალში და გააშრეთ ბავშვისთვის მიუწვდომელ ადგილას.

პოსტიმუნიზაციური ცხელება: 2,5 მლ ბავშვებში 3 თვიდან (წონით >5 კგ), აუცილებლობის შემთხვევაში, კიდევ 2,5 მლ 6 საათის შემდეგ. არ გამოიყენოთ 5მლ-ზე მეტი 24 სთ-ის განმავლობაში.

ცხელება (სიცხე) და ტკივილი: ბავშვებში დოზირება დამოკიდებულია ბავშვის ასაკსა და სხეულის წონაზე.

მაქსიმალური სადღეღამისო დოზა არ უნდა აჭარბებდეს ბავშვის 20-30მგ /კგ სხეულის წონაზე დღეში.

ერთჯერადი დოზა შეადგენს 5-10მგ/კგ ბავშვის სხეულის წონაზე 3-4 ჯერ დღეში.

ბავშვები 3-6 თვის (ბავშვის წონა >5 კგ): 2,5 მლ 3 -ჯერ 24 საათში.

ბავშვები 6-8 თვის (ბავშვის საშუალო წონა 5-6 კგ) : 2,5 მლ 3-ჯერ 24 საათის განმავლობაში.

ბავშვები 9-11 თვის (ბავშის საშუალო წონა 7-9კგ): 2,5 მლ 3-4 ჯერ 24 საათის განმავლობაში.

ბავშვები 1- 3 წლის (ბავშის საშუალო წონა 10-15 კგ): 5მლ 3-ჯერ 24 საათის განმავლობაში.

ბავშვები 4-5 წლის (ბავშვის საშუალო წონა 16-19კგ): 7,5 მლ 3-ჯერ 24 საათის განმავლობაში.

ბავშვები 6-9 წლის (ბავშვის საშუალო წონა 20-29კგ): 10მლ 3-ჯერ 24 საათის განმავლობაში.

ბავშვები 10-12 წლის (ბავშვის საშუალო წონა 30-43 კგ): 15მლ 3-ჯერ 24 საათის განმავლობაში.

პრეპარატის დოზებს შორის საჭიროა 6-8 სთ ინტერვალი (ან მინიმუმ 4 სთ აუცილებლობის შემთხვევაში).

პრეპარატის გამოყენება დაუშვებელია 3 თვემდე ასაკის ბავშვებში, მხოლოდ ექიმის დანიშნულების მიხედვით.

გაფრთხილება: დაუშვებელია რეკომენდებული დოზის გადაჭარბება!

მკურნალობის ხანგრძლივობა:

არაუმეტეს 3 დღე სიცხის დამწევი საშუალების სახით;

არაუმეტეს 5 დღე ტკივილგამაყუჩებელი საშუალების სახით. ცხელების (ტემპერატურა) შენარჩუნების შემთხვევაში მიმართეთ ექიმს.

თუ 6 თვემდე ასაკის ბავშვში სიმპტომები ნარჩუნდება პრეპარატის მიღებიდან 24 საათის განმავლობაში, უნდა გამოიძახოთ ექიმი.

გვერდითი მოვლენები:

პრეპარატის მიღებისას გვერდითი მოვლენები იშვიათია, თუმცა შესაძლებელია შემდეგი სახის გვერდითი მოვლენების განვითარება:

კუჭ-ნალწავის ტრაქტის მხრივ: გულისრევა, ღებინება, დისკომფორტის შეგრძნება, ან ტკივილი ეპიგასტრიუმში, ლაქსატიური ეფექტი, შესაძლებელია ეროზიულ-წყლულოვანი დაზიანება, სისხლდენა.

ალერგიული რეაქციები: კანზე გამონაყარი, ქავილი, ჭინჭრის ციება, ბრონქული ასთმის გამწვავება, ანგიონევროზული შეშუპება, ანაფილაქტოიდური რეაქციები, ანაფილაქტიკური შოკი, ბრონქოსპაზმი, ცხელება, მულტიფორმული ექსუდაციური ერითემა (სტივენს- ჯონსონის სინდრომის ჩათვლით), ტოქსიური ეპიდერმული ნეკროლიზი (ლაიელის სინდრომი)

ნერვული სისტემის მხრივ: თაის ტკივილი, თავბრუსხვევა, ფსიქომოტორული აგზნება, უძილობა

გულსისხლძარღვთა სისტემა: ტაქიკარდია, არტერიული წნევის მომატება.

სისლხმბადი სისტემის მხრივ: ანემია, თრომბოციტოპენია, აგრანულოციტოზი, ლეიკოპენია.

საშარდე სისტემის მხრივ: თირკმელების ფუნქციის დარღვევა, ცისტიტი.

ჭარბი დოზირება:

ბავშვებში 400მგ/კგ-ზე მეტი დოზის გამოყენებისას შესაძლებელია ინტოქსიკაციის სიმპტომების განვითარება. მოზრდილებში დოზის ეფექტი ნაკლებადაა გამოხატული. ჭარბი დოზირებისას ნახევარგამოყოფის პერიოდი შეადგენს 1,5-3 სთ-ს.

რეკომენდებულზე მეტი დოზის მიღებისას, მიმართეთ ექიმს!

ჭარბი დოზირების დონის მიხედვით უნდა ჩატარდეს შესაბამისი ზომები.

სიმპტომები: პაციენტების უმრავლესობაში არასტეროიდული ანთების საწინააღმდეგო საშუალებების დიდი დოზების მიღება იწვევდა მხოლოდ გულისრევას, ღებინებას, ეპიგასტრიუმში ტკივილს, ძალიან იშვიათად - დიარეას. ასევე შესაძლებელია ყურებში ხმაური, თავის ტკივილი და საჭმლის მომნელებელი ტრაქტიდან სისხლდენა. ძალიან ძლიერი მოწამვლისას ცენტრალური ნერვული სისტემის ტოქსიური დაზიანება ძილიანობის სახით, ზოგჯერ - ნერვული აგზენებადობით და დეზორიენტაციით ან კომით. ზოგჯერ შეინიშნება კრუნჩხვები. ძლიერი მოწამვლისას შესაძლებელია მეტაბოლური აციდოზის განვითარება: შეიძლება გაიზარდოს პროთრომბინული ინდექსი, სავარაუდოდ სისხლის შედედების ფაქტორზე ზემოქმედების შედეგად. შეიძლება განითარდეს თირკმელების მწვავე უკმარისობა და ღვიძლის დაზიანება. ბრონქული ასთმით დაავადებულ პაციეტნებში შესაძლებელია დაავადების გამწვავება.

მკურნალობა: შეიძლება იყოს სიმპტომური და დამატებითი, ასევე მოიცავს სასუნთქი გზების გასუფთავებას და გულის სიმპტომებზე დაკვირვებას, ასევე სიცოცხლისთვის აუცილებელ ფუნქციურ მაჩვენებლებზე დაკვირვებას მდგომარეობის ნორმალიზებამდე. რეკომენდებულია აქტივირებული ნახშირის პერორალურად მიღება პრეპარატის პოტენციურად ტოქსიური რაოდენობის მიღებიდან 1 საათის განმავლობაში. ხშირი ან ხანგრძლივი კრუნჩხვების დროს უნდა მოხდეს დიაზეპამის ან ლორაზეპამის ინტრავენური შეყვანა. ბრონქულის ასთმის გამწვავების მკურნალობისთვის საჭიროა ბრონქული საშუალებების მიღება.

სხვა პრეპარატებთან ურთიერთქმედება:

პრეპარატის მიღება უნდა მოხდეს სიფრთხილით შემდეგ პრეპარატებთან ერთად:

ანტიკოაგულანტები (იბურპოფენი აძლიერემს მათ მოქმედებას);

გლუკოკორტიკოსტეროიდები და აასს-ები (იბუპროფენი ზრდის კუჭ-ნაწლავის ტრაქტის მხრივ დარღვევების განვითარების რისკს);

ციკლოპსორინები, საგულე გლიკოზიდები, ლითიუმის პრეპარატები, მეთოტრექსატი, ფენიტოინი, ზიდოვუდინი, პენიცილინი (იბუპროფენს შეუძლია გააძლიეროს მოცემული პრეპარატების ტოქსიური ეფექტები);

შარმდენები და ანტიჰიპერტენზიული საშუალებები (ერთდროულად მიღებისას შესაძლებელია შემცირდეს პრეპარატების ეფექტურობა).

მაგალდრატი (ანტაციდი) უმნიშვნელოდ აჩქარებს იმბუპროფენის შეწოვას და აძლიერებს მის კონცენტრაციას შრატში.

განსაკუთრებული მითითებები:

დაუშვებელია პრეპარატის მიღება სხვა აასს-ებთან ერთად. ხანგრძლივი მკურნალობის დროს აუცილებელია პერიფერული სისხლის სურათის და ღვიძლის და თირკმელების ფუნქციური მდგომარეობის კონტროლი. გასტროპათიის სიმპტომების განვითარებისას ნაჩვენებია სათანადო კონტროლი, რომელიც მოიცავს ეზოფაგოგასტროდუოდენოსკოპიის ჩატარებას, სისხლის საერთო ანალიზს (ჰემოგლობინის განსაზღვრა), განავლის ანალიზს და ფარული სისხლის ანალიზს. 17-კეტოსტეროიდების განსაზღვრის აუცილებლობის შემთხვევაში, უნდა მოიხსნას პრეპარატი გამოკვლევამდე 48 საათით ადრე.

გამოშვების ფორმა:

სუსპენზია შიგნით მისაღებად 100მლ ფლაკონებში. ერთი ფლაკონი გამოყენების ინსტრუქციასთან და საზომ შპრიცთან ერთად მოთავსებულია მუყაოს კოლოფში.

შენახვის პირობები:

ინახება მშრალ, სინათლისგან დაცულ ადგილას არაუმეტერს 25°C ტემპერატურაზე.

შეინახეთ ბავშვებისთვის მიუწვდომელ ადგილას!

ვარგისიანობის ვადა:

მითითებულია შეფუთვაზე. დაუშვებელია გამოყენება ვარგისიანობის ვადის გასვლის შემდეგ.

აფთიაქიდან გაცემის პირობები:

ურეცეპტოდ.

სავაჭრო ნიშნის და სარეგისტრაციო სერტიფიკატის მფლობელი:

სპეი მედიქალ ლტდ.,

ლონდონი, დიდი ბრიტანეთი

მწარმოებელი:

რეპლეკ ფარმ ლტდ. სკოპიე,

სკოპიე, მაკედონიის რესპუბლიკა

 

PSP გირჩევთ