კატეგორიები

  • კონტროლოკი 20მგ 14 ტაბლეტი

  • ფასი: 0.00 ლ
  • ჩვენებები -კუჭისა და თორმეტგოჯა ნაწლავის წყლულოვანი დაავადება (გამწვავების ფაზაში), ეროზიული გასტრიტი (მათ შორის, არასტეროიდული ანთების საწინააღმდეგო პრეპარატების გამოყენებასთან (აასპ) დაკავშირებული);



შემადგენლობა

ბირთვი
აქტიური ნივთიერება: ნატრიუმის პანტოპრაზოლის სესკვიჰიდრატი 22,57 მგ ან 45,1 მგ, შეესაბამება პანტოპრაზოლის 20 მგ ან 40 მგ-ს შესაბამისად.
დამხმარე ნივთიერებები: ნატრიუმის კარბონატი უწყლო, მანიტოლი, კროსპოვიდონი, პოვიდონი K90, კალციუმის სტეარატი, გასუფთავებული წყალი;
გარსი
ჰიპრომელოზა - 2910, პოვიდონი K25, ტიტანის დიოქსიდი E171, რკინის ოქსიდი ყვითელი E172, პროპილენგლიკოლი, ეუდრაგიტი L 30D-55*, ტრიეთილციტრატი.
* L 30D-55 დისპერსიის შემცველობა: მეტაკრილის მჟავა და ეთილაკრილატის სოპოლიმერი, პოლისორბატი 80, ნატრიუმის ლაურილსულფატი.
Opacode S-1-26514 ყავისფერი მელანი ტაბლეტზე მარკირების დატანების მიზნით: შელაკი (shellac); რკინის ოქსიდი E172, წითელი, CL 77491; რკინის ოქსიდი შავი E172, CL 77499; რკინის ოქსიდი E172, ყვითელი, CL 77492; სოიოს ლეციტინი; ტიტანის დიოქსიდი, E171, CL 77891; დიმეტიკონი 1510 (პოლიდიმეთილსილოქსანის ემულსია).
აღწერილობა
თეთრი ან თითქმის თეთრი ფერის ბირთვის მქონე ყვითელი ფერის ორივე მხრიდან ამობურცული ოვალური შემოგარსული ტაბლეტები. ტაბლეტის ერთ მხარეზე ყავისფერი მელნით დაბეჭდილია: ,,P20’’ 20 მგ-იანი დოზირებისათვის, ,,P40’’ 40 მგ-იანი დოზირებისათვის.

ფარმაკოლოგიური თვისებები
არის პროტონული ტუმბოს ინჰიბიტორი (H+ K+ ატფ-აზები). აფერხებს მარილმჟავის სეკრეციის ბოლო სტადიას, გამღიზიანებელი ნივთიერების ბუნების მიუხედავად ამცირებს ბაზალურ და მასტიმულირებელ სეკრეციას. ანტისეკრეტორული აქტივობა. 20 მგ პრეპარატი კონტროლოკის შიგნით მიღების შემდეგ ანტისეკრეტორული ეფექტი დგება 1 საათის შემდეგ და მაქსიმუმს აღწევს 2-4 სათის შემდეგ. Helicobacter pylori - თ ასოცირებული თორმეტგოჯა ნაწლავის წყლულოვანი დაავადების დროს, კუჭის სეკრეციის შემცირება ზრდის მიკროორგანიზმების მგრძნობელობას ანტიბიოტიკების მიმართ. არ მოქმედებს კუჭ-ნაწლავის ტრაქტის მოტორიკაზე. სეკრეტორული აქტივობა უბრუნდება ნორმას გამოყენების შეწყვეტიდან 3-4 დღის შემდეგ. 
პროტონული ტუმბოს სხვა ინჰიბიტორებთან შედარებით, ნეიტრალური PH-ის პირობებში კონტროლოკი ფლობს დიდ ქიმიურ სტაბილურობას, და ზემოქმედების უფრო მცირე პოტენციალს ღვიძლის ოქსიდაზურ სისტემასთან, რომელიც დამოკიდებულია ციტოქრომ P450-ზე. ამიტომ, კონტროლოკი არ ზემოქმედებს ბევრ სხვა გავრცელებულ პრეპარატთან.

ფარმაკოკინეტიკა
პანტოპრაზოლი სწრაფად შეიწოვება შიგნით მიღების შემდეგ. სისხლის პლაზმაში მაქსიმალური კონცენტრაცია (Cmax) მიიღწევა პირველივე დოზის 20 მგ ან 40 მგ-ის მიღების შემდეგ. საშუალოდ, 1,0-1,5 მკგ/მლ-ს ტოლი Cmax 20 მგ და 2,0-3,0 მკგ/მლ დოზის გამოყენებისას მიიღწევა 2-2,5 საათის შემდეგ - 40 მგ-იანი დოზირებისას 2,5 საათის შემდეგ. ეს მაჩვენებელი რჩება მუდმივი მოცემული პრეპარატის მრავალჯერადი გამოყენების შემდეგ. გადანაწილების მოცულობა შეადგენს 0,15 ლ/კგ, კლირენსი - 0,1 ლ/ს/კგ. 
ნაწილობრივი გამოყოფის პერიოდი არის 1 საათი.
ფარმაკოკინეტიკა ერთნაირია პრეპარატის როგორც ერთჯერადი, ასევე მრავალჯერადი გამოყენებისას. სისხლის პლაზმის ცილებთან პანტოპრაზოლის დაკავშირება შეადგენს 98%-ს.
მეტაბოლიზდება ღვიძლში. ძირითადად გამოიყოფა თირკმელების საშუალებით (დაახლოებით 80%) პანტოპრაზოლის მეტაბოლიტების სახით, მცირე ნაწილი გამოიყოფა ფეკალური მასებით. სისხლის პლაზმაში და შარდში ძირითადი მეტაბოლიტი არის სულფატთან კონიუგირებული დესმეთილპანტოპრაზოლი. 
პანტოპრაზოლის ტაბლეტების აბსოლუტური ბიოშეღწევადობა არის 77%. საკვებთან მათი ერთდროული გამოყენება არ მოქმედებს AUC და Cmax-ზე.
თირკმელების შეზღუდული ფუნქციის მქონე პაციენტებში პანტოპრაზოლის გამოყენებისას (ჰემოდიალიზზე მყოფი პაციენტების ჩათვლით) არ არის საჭირო დოზის შემცირება. ისევე, როგორც ჯანმრთელ პაციენტებში, პანტოპრაზოლის ნაწილობრივი გამოყოფის პერიოდი არის მცირე. დიალიზდება პრეპარატის მხოლოდ ძალიან მცირე ნაწილი. არ კუმულირდება.
ჯანმრთელ პაციენტებთან შედარებით, ღვიძლის ციროზის მქონე პაციენტებში (ჩჰილდ-ის კლასიფიკაციით A და B კლასის) პანტოპრაზოლის 20 მგ-იანის დოზის გამოყენებისას ნაწილობრივი გამოყოფის მნიშვნელი იზრდება 3-6 საათამდე და 40 მგ დოზის გამოყენებისას 7-9 საათამდე. AUC მაჩვენებელი იზრდება 3-5-ჯერ (20 მგ-იანი დოზისთვის) და 5-7-ჯერ (40 მგ დოზისთვის). Cmax იზრდება 1,3-ჯერ (20 მგ-იანი დოზისთვის) და 1,5-ჯერ (40 მგ დოზისთვის).
ასაკიან პაციენტებში AUC და Cmax მაჩვენებლების უმნიშვნელო ზრდა არ არის კლინიკურად მნიშვნელოვანი.

ჩვენებები
-კუჭისა და თორმეტგოჯა ნაწლავის წყლულოვანი დაავადება (გამწვავების ფაზაში), ეროზიული გასტრიტი (მათ შორის, არასტეროიდული ანთების საწინააღმდეგო პრეპარატების გამოყენებასთან (აასპ) დაკავშირებული);
-გასტროეზოფაგული რეფლუქსური დაავადება (გერდ): ეროზიული რეფლუქს-ეზოფაგიტი (მკურნალობა), გერდ-ის სიმპტომატური მკურნალობა (ე.წ. აერდ - არაეროზირებული რეფლუქსური დაავადება);
-ზოლინგერ-ელისონის სინდრომი;
- Helicobacter pylori ერადიკაცია ანტიბაქტერიულ საშუალებებთან კომბინაციაში;

მიღების წესები და დოზები
კუჭისა და თორმეტგოჯა ნაწლავის წყლულოვანი დაავადება, ეროზიული გასტრიტი (მათ შორის, არასტეროიდული ანთების საწინააღმდეგო პრეპარატების გამოყენებასთან დაკავშირებული). დღეში 40-80 მგ. მკურნალობის კურსი - თორმეტგოჯა ნაწლავის წყლულოვანი დაავადების გამწვავებისას 2 კვირა და კუჭის წყლულოვანი დაავადების გამწვავებისას 4-8 კვირა. კუჭისა და თორმეტგოჯა ნაწლავის წყლულოვანი დაავადების რეციდივის საწინააღმდეგო მკურნალობა - დღეში 20 მგ. 
Helicobacter pylori ერადიკაცია
რეკომენდებულია შემდეგი კომბინაციები:
1. კონტროლოკი 20 მგ დღეში 2-ჯერ + ამოქსიცილინი 1000 მგ დღეში 2-ჯერ
+კლარითრომიცინი 500 მგ დღეში 2-ჯერ.
2. კონტროლოკი 20 მგ დღეში 2-ჯერ + მეტრონიდაზოლი 500 მგ დღეში 2-ჯერ
+კლარითრომიცინი 500 მგ დღეში 2-ჯერ.
3. კონტროლოკი 20 მგ დღეში 2-ჯერ + ამოქსიცილინი 1000 მგ დღეში 2-ჯერ
+ მეტრონიდაზოლი 500 მგ დღეში 2-ჯერ.
მკურნალობის კურსი - 7-14 დღე.
რეფლუქს-ეზოფაგიტი.
დღეში 20-40 მგ. მკურნალობის კურსი - 4-8 კვირა. რეციდივის საწინააღმდეგო მკურნალობა - დღეში 20 მგ. 
ზოლინგერ-ელისონის სინდრომი.
დღეში 40-80 მგ. ღვიძლის ფუნქციის გამოხატული დარღვევების მქონე პაციენტებში დოზა მცირდება 2 დღეში ერთხელ 40 მგ-მდე. ასეთ შემთხვევაში საჭიროა სისხლის ბიოქიმიური მაჩვენებლების კონტროლი. 
ღვიძლისმიერი ფერმენტების დონის მომატებისას პრეპარატის გამოყენება წყდება. 
ასაკიან, ასევე, თირკმელების ფუნქციის დარღვევების მქონე პაციენტებში არ შეიძლება დღეში 40 მგ-ზე მეტი დოზის გამოყენება. გამონაკლისს წარმოადგენს კომბინირებული ანტიმიკრობული თერაპიის გამოყენება Helicobacter pylori -ს მიმართ, როცა ასაკიანმა პაციენტებმაც უნდა მიიღონ კონტროლოკი 40 მგ დღეში 2-ჯერ. 
პრეპარატის მიღება ხდება შიგნით, მთლიანად, სითხის დაყოლებით (არ შეიძლება ტაბლეტის დაქუცმაცება ან გახსნა).
ჩვენებისას, როცა პრეპარატი გამოიყენება დღეში ერთხელ, კონტროლოკის მიღება ხდება დილით. 
დადგენილია, რომ პრეპარატის აქტივობაზე არ მოქმედებს არც საკვების მიღება, და არც სადღეღამისო დრო. მაგრამ, რეკომენდებულ დროს კონტროლოკის ტაბლეტების მიღება ხელს უწყობს პაციენტების მიერ მკურნალობის სქემის უკეთეს დაცვას.

გვერდითი მოვლენები
ჩვენების მიხედვით და რეკომენდებული დოზებით კონტროლოკის გამოყენებისას გვერდითი ეფექტები ვითარდება ძალიან იშვიათად.
პანტოპრაზოლის დანიშვნას შეიძლება თან ახლდეს შემდეგი გვერდითი რეაქციები:
ტიპიური ( > 1/100, 1/1000, < 1/100): ღებინება-გულისრევა; თავბრუსხვევა, მხედველობის დარღვევა (დაბინდული მხედველობა); ისეთი ალერგიული რეაქციები, როგორიც არის ქავილი და გამონაყარი კანზე.
იშვიათი ( > 1/10000, < 1/1000): პირის სიმშრალე, ართრალგია, დეპრესია, ჰალუცინაციები, დეზორიენტაცია და გონების არევა, განსაკუთრებით იმ პაციენტებში, რომლებსაც აქვთ ამის განწყობილება, ასევე, ამ სიმპტომების გაძლიერება იმ შემთხვევაში, თუ პაციენტს ადრე აღენიშნებოდა მსგავსი მოვლენები.
ძალიან იშვიათი ( < 1/10000, ცალკეული შემთხვევების ჩათვლით): ლეიკოპენია, თრომბოციტოპენია; 
პერიფერიული ედემა; ჰეპატოცელულარული უკმარისობა, რომელიც იწვევს ღვიძლის უკმარისობით ან უკმარისობის გარეშე მიმდინარე სიყვითლეს; ანაფილაქსიური რეაქციები, ანაფილაქსიური შოკის ჩათვლით; ღვიძლის ფერმენტების მომატება (ტრანსამინაზები, გლუტამილტრანსპეპტიდაზები); ტრიგლიცერიდების მომატება; სხეულის ტემპერატურის მომატება; მიალგია, ინტერსტიციალური ნეფრიტი; ჭინჭრის ციება, ანგიოედემა; ისეთი მძიმე რეაქციები კანის მხრიდან, როგორიც არის სტივენს-ჯონსის სინდრომი, პოლიმორფული ერითემა, მგრძნობელობა შუქის მიმართ, ლაილის სინდრომი.

უკუჩვენება
ჰიპერმგრძნობელობა, ნევროზული გენეზის დისპეპსია.
არ არის მოწოდებული პედიატრიულ პრაქტიკაში კონტროლოკის გამოყენების კლინიკური მონაცემები. 
სიფრთხილით: ორსულობისა და ლაქტაციის პერიოდი, ღვიძლისმიერი უკმარისობა.

განსაკუთრებული მითითებები
პრეპარატი კონტროლოკის გამოყენებამდე საჭიროა ავთვისებიანი ახალწარმონაქმნების არსებობის გამორიცხვა, ვინაიდან პრეპარატმა შეიძლება შენიღბოს სიმპტომატიკა და გადაავადოს სწორი დიაგნოსტირება.

ჭარბი დოზირება
კონტროლოკის გამოყენების შედეგად განვითარებული ჭარბი დოზა არ ყოფილა გამოვლენილი. კარგი ამტანობა აღინიშნა 240 მგ-მდე დოზის 2 წუთის განმავლობაში შეყვანის შემთხვევაში.
მიუხედავად ამისა, ჭარბი დოზის და კლინიკური გამოვლინების შემთხვევაში ტარდება სიმპტომატური და შემანარჩუნებელი მკურნალობა. პანტოპრაზოლი არ გამოიყოფა ჰემოდიალიზის დროს.

სხვა წამლებთან ურთიერთქმედება
ერთდროული გამოყენებისას, კონტროლოკმა შეიძლება შეამციროს ისეთი პრეპარატების შეწოვა, რომელთა ბიოშეღწევადობა დამოკიდებულია კუჭის PH-ზე (მაგალითად, რკინის მარილები, კეტოკონაზოლი, ატაზანავირი და რიტონავირი).
პროტონული ტუმბოს სხვა ინჰიბიტორებისაგან განსხვავებით, კონტროლოკი შეიძლება დაენიშნოს სამკურნალო ზემოქმედების საშიშროების გარეშე:
-გულ-სისხლძარღვთა დაავადებების მქონე პაციენტებს, რომლებიც იღებენ გულის გლიკოზიდებს (დიგოქსინი), კალციუმის მილების ნელ ბლოკატორებს (ნიფედიპინი), ბეტა-ადრენობლოკატორებს (მეტოპროლოლი);
-კუჭ-ნაწლავის ტრაქტის დაავადებების მქონე პაციენტებს, რომლებიც იღებენ ანტაციდებს, ანტიბიოტიკებს (ამოქსიცილინი, კლარითრომიცინი);
-პაციენტებს, რომლებიც იღებენ პერორალურ კონტრაცეპტივებს;
-პაციენტებს, რომლებიც იღებენ არასტეროიდულ ანთების საწინააღმდეგო პრეპარატებს (დიკლოფენაკი, ფენაზონი, ნაპროქსენი, პიროქსიკამი);
-ენდოკრინული სისტემის დაავადებების მქონე პაციენტებს, რომლებიც იღებენ გლიბენკლამიდს, ლევოთიროქსინ-ნატრიუმსს;
-შიშების და ძილის დარღვევების მქონე პაციენტებს, რომლებიც იღებენ დიაზეპამს;
-ეპილეფსიით დაავადებულ პაციენტებს, რომლებიც იღებენ კარბამაზეპინს და ფენიტოინს;
-პაციენტებს, რომლებიც იღებენ ისეთ არაპირდაპირ ანტიკოაგულანტებს, როგორიც არის ვარფარინი და ფენპროკუმონი;
-პაციენტებს, რომლებსაც გადატანილი აქვთ ტრანსპლანტაცია და იღებენ ციკლოსპორინს, ტაკროლიმუსს.
ასევე, უცნობია თეოფილინთან, კოფეინთან და ეთანოლთან სამკურნალო ზემოქმედება. 
შესაძლებელია ზემოქმედება ატაზანავირთან და რიტონავირთან.

შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას. 
ტემპერატურა არ უნდა აღემატებოდეს 25 ℃.
ვარგისიანობის ვადა : 3 წელი. 
არ გამოიყენება შეფუთვაზე მითითებული ვარგისიანობის ვადის გასვლის შემდეგ.

აფთიაქში გაცემის წესი
რეცეპტით.