კატეგორიები

ტ4 150მკგ 30 ტაბლეტი
  • ტ4 150მკგ 30 ტაბლეტი

  • ფასი: 5.59 ლ
  • T4 შეიცავს ლევოთიროქსინს (T4), რომელიც ფარისებრი ჯირკვლის ძირითადი ჰორმონია. ასევე L-ტრიიოდთირონინი(T3) ფარისებრი ჯირკვლის სხვა ჰორმონია. ფარისებრი ჯირკვლის ჰორმონები უზრუნველყოფენ ორგანიზმის ყველა ორგანოსა და ქსოვილების ნორმალურ ზრდას,განვითარებას და ფუნ



პაციენტისთვის განკუთვნილი ფურცელი-ჩანართი

T4®

ტაბლეტები - 12, 25, 50, 62, 75, 88, 100, 112, 125, 137, 150, 175 და 200 მკგ/ტაბ

  1. სამედიცინო პროდუქტის აღწერა

1.1 დასახელება: T4®

1.2 შემადგენლობა0

აქტიური ნივთიერება: ნატრიუმის ლევოთიროქსინი.

პროდუქტი მოცემულია ორმხრივამოზნექილი ტაბლეტების 12 მკგ , 25 მკგ, 50მკგ, 62 მკგ, 75 მკგ, 88 მკგ, 100მკგ, 112 მკგ, 125 მკგ, 137 მკგ, 150 მკგ, 175 მკგ და 200 მკგ კრისტალური ნატრიუმის ლევოთიროქსინის სახით (T4).

დამხმარე ნივთიერებები: ლაქტოზას მონოჰიდრატი, ნატრიუმის სახამებლის გლუკოლატი, მიკროკრისტალური ცელულოზა, სილიციუმის კოლოიდური დიოქსიდი, მაგნიუმის სტეარატი.

საღებავები:

T4® 12მკგ: დაისის ყვითელი ლეიქი E 110 CI 15985

T4® 25მკგქინოლონი ყვითელი ლეიქი E CI 47005

T4® 50 მკგყვითელი ლეიქი E 110 CI 15985, E 132 CI 73015, E 124 CI 16255

T4® 62 მკგლურჯი ლეიქი E 132 CI 73015, E 124 CI 16255

T4® 75 მკგშავი ლეიქი E 151 CI 28440

T4® 88 მკგაზორუბინის ლეიქი E 122 CI 14720

T4® 100 მკგ:         ყავისფერი ლეიქი E 110 CI 15985, E 132 CI 73015, E 124 CI 16255

ყვითელი ლეიქი No 6 E 110 CI 15985

T4® 112 მკგ:         ერითროზინის ლეიქი E 127 CI 45430

T4® 137 მკგ:         იისფერი (ყურძენი) ლეიქი E 122 CI 14720, E 133 CI 42090

T4® 150 მკგ:         მწვანე ლეიქი (ღია ფერის) E 132 CI 73015, E 104 CI 47005

T4® 175 მკგ:         ლურჯი ლეიქი E 132 CI 73015, E 124 CI 16255

T4® 200 მკგ:         მწვანე ლეიქი (მუქი) E 132 CI 73015, E 102 CI 19140

1.3 წამლის ფორმა

ტაბლეტები.

1.4 გამოშვების ფორმა-შეფუთვა:

  • მუყაოს კოლოფი შეიცავს 30 ტაბლეტს, 10-10-ს 3 ბლისტერზე, რომელიც დამზადებულია პვქ-პვდქ და ალუმინის ფოლგისგან და გამოყენების ინსტრუქციას.
  • მუყაოს კოლოფი შეიცავს 30 ტაბლეტს, 15-15-ს 2 ბლისტერზე, რომელიც დამზადებულია პვქ-პვდქ და ალუმინის ფოლგისგან და გამოყენების ინსტრუქციას.

1.5 თერაპიული კატეგორია:

ფარისებრი ჯირკვლის პრეპარატები.

1.6 მარკეტინგული ავტორიზაციის მფლობელი:

უნი-ფარმა კლეონ ტსეტის ფარმასიუტიკალ ლაბორატორიზ ს.ა.

მე-14 კმ ნეიშნლს როუდ 1, გრ-145 64 კიფისია, საბერძნეთი

ტელ: +30 2108072512

ფაქსი: +30 2108078907

ელ.ფოსტა:  ელფოსტის ეს მისამართი დაცულია უსრგებლო წერილებისგან, მის სანახავად Javascript უნდა ჩაირთოს

1.7 მწარმოებელი:

უნი-ფარმა კლეონ ტსეტის ფარმასიუტიკალ ლაბორატორიზ ს.ა.

მე-14 კმ ნეიშნლს როუდ 1, გრ-145 64 კიფისია, საბერძნეთი

ტელ: +30 2108072512

ფაქსი: +30 2108078907

ელ.ფოსტა:  ელფოსტის ეს მისამართი დაცულია უსრგებლო წერილებისგან, მის სანახავად Javascript უნდა ჩაირთოს

  1. რა უნდა იცოდეთ მოცემული სამედიცინო პროდუქტის შესახებ

2.1 ზოგადი ინფორმაცია:

T4 შეიცავს ლევოთიროქსინს (T4), რომელიც  ფარისებრი ჯირკვლის ძირითადი ჰორმონია. ასევე  L-ტრიიოდთირონინი(T3) ფარისებრი ჯირკვლის სხვა ჰორმონია. ფარისებრი ჯირკვლის ჰორმონები უზრუნველყოფენ ორგანიზმის ყველა ორგანოსა და ქსოვილების  ნორმალურ ზრდას,განვითარებას  და ფუნქციონირებას. აღსანიშნავია რომ  ეს ჰორმონები  აძლიერებენ უჯრედულ  მეტაბოლიზმს.

მოზარდებში ფარისებრი ჯირკვლის უკმარისობა იწვევს გონებრივ და ფიზიკური განვითარების  შეფერხებას, მაშინ როდესაც მოზრდილებში  იწვევს სიმსუქნეს, სიცივის შეგრძნებას, ჰიპოთერმიას, ყაბზობას და ა.შ., რაც გამოწვეულია მეტაბოლიზმის შესუსტებით. საპირისპიროდ კი როდესაც ფარისებრი ჯირკვალი ჰიპერაქტიურია,ვითარდება ჰიპერთირეოზის სიმპტომები: წონის კლება, ტაქიკარდია, ნევროზულობა, ხელების კანკალი, სიცხის აუტანლობა  და ა.შ., რაც გამოწვეულია მეტაბოლიზმის მომატებით.

2.2 ჩვენებები:

ნებისმიერი ეტიოლოგიის ფარისებრი ფუნქციის თერაპიის ჩანაცვლება.

2.3 უკუჩვენებები:

* ბოლო დროს გადატანილი მიოკარდიუმის ინფარქტი და კორონარული უკმარისობა

* არაკომპენსირებული გულის უკმარისობა

* შეუქსევადი თირკმელზედა ჯირკვლის უკმარისობა (თირკმელზედა ჯირკვლის კრიზის მწვავე რისკი).

2.4 განსაკუთრებული გაფრთხილებები და სიფრთხილის განსაკუთრებული ზომები:

2.4.1 პაციენტებისთვის განკუთვნილი ინსტრუქცია

* ჰიპოთირეოზი როგორც წესი ქრონიკული დაავადებაა. პრეპარატის მიღება უნდა მოხდეს მთელი სიცოცხლის მანძილზე. გარდამავალი ჰიპოთირეოზის შემთხვევა გამორიცხულია (მა. თიროიდიტის შემდეგ).

* დაუყოვნებლივ აცნობეთ თირეოტოქსიკოზის სიმპტომის შესახებ: გულმკერდის ტკივილი, ტაქიკარდია, პალპიტაციები, კიდურების გაოფლიანება, ნევროზულობა, სიცხის აუტანლობა ა.შ.

* პაციენტებს, რომლებიც იღებენ ჰიპოგლიკემიურ და ანტიკოაგულანტურ პრეპარატებს უნდა ჩაუტარდეთ რეგულარული კლინიკური და ლაბორატორიული მონიტორინგი.

* ბავშვებში თერაპიის დაწყებისას, შეისაძლებელია თმის დროებითი ცვენა.

* უნდა ჩატარდეს T3, T4 და TSH-ს რეგულარული ლაბორატორიული მონიტორინგი .

 

ლევოთიროქსინის წყალში დაბალი ხსნადობის, ლევოთიროქსინის მოლეკულის მგრძნობელობის სინათლის მიმართ და მისი დეიოდიზაციისადმი ტენდენციის გამო, ტაბლეტები,  რომლებიც შეიცავენ აქტიურ ნივთიერებას, გამოავლენენ სტაბილურობის პრობლემებს, ასევე ერთგვაროვნების პრობლემებს. ამის გამო ჰიპოთირეოზით დაავადებული პაციენტებს, რომლებიც გადიან მკურნალობას მოცემული პრეპარატით, უნდა ჩაუტარდეთ სათანადო მონიტორინგი.

2.4.2 სიფრთხილის ზომები პროდუქტის გამოყენების დროს

განსაკუთრებული ყურადღებაა საჭირო ლევოთიროქსინის მიღებისას პაციენტებში გულსისხლძარღვთა დარღვევებით, ხანდაზმულებში და პაციენტებში თირკმელზედა ჯირკვლის უკმარისობით. დიაბეტით დაავადებულ პაციენტებში შესაძლოა გახდეს საჭირო ინსულინის ან ჰიპოგლიკემიური ტაბლეტების დოზის კორექცია

2.4.3 ორსულობა და ლაქტაცია:

ლევოთიროქსინის მიღება შესაძლებელია ორსულობის დროს, თუ აუცილებელია.

რეკომენდირებულია TSH -ს დონეების პერიოდული მონიტორინგი.

ფარისებრი ჯირკვლის ჰორმონების დაბალი კონცენტრაციები გამოიყოფა ადამიანის რძეში. თუმცა, საჭიროა განსაკუთრებული ყურადღება, როდესაც მოცემული პრეპარატები მიიღება ქალებში ლაქტაციის დროს.

2.4.4 ზემოქმედება ავტოტრასნპორტის და მექანიზმების მართვის უნარზე:

არ აქვს ეფექტი ავტოტრასნპორტის და მექანიზმების მართვის უნარზე.

2.5 ურთიერთქმედება სხვა პრეპარატებთან:

სხვა პრეპარატებთან ერთად მიღება გავლენას ახდენს ლევოთიროქსინის მოქმედებაზე. მოცემული ეფექტი სავარაუდოდ განსხვავებულია თითოეულ პაციენტში ან დამოკიდებულია სხვა ფაქტორებზე. განსაკუთრებით არსებობს პრეპარატები, რომლებიც ამცირებენ პრეპარატის აბსორბციას, როგორიცაა სუკრალფატი, ალუმინის ჰიდროქსიდი, ქოლესტირამინი, რკინა, ა.შ. პაციენტები, რომლებიც მკურნალობენ ანტიკოაგულანტებით, ლითიუმით, ანტისეპტიკური პრეპარატებით, რიფამპიცინით და ამიოდარონით, შეაძლოა საჭიროებდნენ დოზის კორექციას და უნდა გაიარონ ექიმთან კონსულტაცია.

2.6 დოზირება:

დოზის განსაზღვრა საჭიროა ჰიპოთირეოზის დონით, პაციენტის ასაკით, პრეპარატის მიმართ ინდივიდუალური მგრძნობელობით, ისევე როგორც კლინიკური და ლაბორატორიული ანლიზების შედეგებით.

საწყის ეტაპზე პრეპარატი დანიშნულია დაბალი დოზებით, რაც თანდათანობით იზრდება ოპტიმალურ შემანარჩუნებელ დოზამდე.

მოზრდილები: საწყისი რეკომენდებული დოზაა 50-100 მკგ , მაშინ როდესაც ხანდაზმულებში ან გულსისხლძარღვთა დაავადების მქონე პაციენტებში დოზა როგორც წესი დაბალია: 25-50 მკგ . შემდეგ, შესაძლებელია დოზის მომატება 50 მკგ-ით კვირაში, ვიდრე პაციენტის მეტაბოლიზმი არ დარეგულირდება.

ბავშვები: საწყისი დოზაა 5-10 მკგ/კგ სხეულის წონაზე დღეში 1 თვემდე ასაკის ბავშვებში, მაშინ როდესაც მოზრდილ ბავშვებში საწყისი დოზა იწყება 5მკგ-დან ყოველ 2-4 კვირაში, კლინიკური და ბიოქიმიური შედეგების მიხედვით.

2.7 ჭარბი დოზირება:

ჭარბი დოზირება იწვევს ჰიპერთირეოზის ნიშნებს: გულისცემის აჩქარება, ნევროზულობა, ოფლიანობა, თავის ტკივილი, დიარეა, ხელების კანკალი ა.შ. მსგავს შემთხვევებში, უნდა შეწყდეს პრეპარატის მიღება რამოდენიმე დღით და ხელახლა დაინიშნოს მცირე დოზებით. ამ შემთხვევაში რეკომენდირებულია ბეტა-ინჰიბიტორები და სედაციური საშუალებები.

2.8 რა უნდა იცოდეთ დოზის გამოტოვების შემთხვევაში:

საერთო დღიური დოზა მიიღება დილით, საუზმის წინ. დოზის გამოტოვებისას, მიიღეთ გახსენებისთანავე რაც შეიძლება   ადრე, თუმცა, თუ მოსულია მომდევნო დოზის მიღების დრო, უმჯობესია გამოტოვოთ ერთი დოზა სრულებით.

დაუშვებელია ორმაგი დოზის მიღება.

2.9 გვერდითი რეაქციები:

შესაძლებელია განვითარდეს დოზის ჭარბი მიღებით ან უეაცრი გაზრდით. კონტრეტულად შესაძლებელია შემდეგი მოვლენების განვითარება:

  • ტაქიკარდია
  • არარეგულარული გულისცემა
  • შფოთვა
  • თავის ტკივილი
  • გაღიზიანება
  • აჟიტაცია
  • უძილობა
  • შემცივნება
  • კუნთების სისუსტე
  • სპაზმები
  • სიცხის აუტანლობა
  • ოფლიანობა
  • ცხელება
  • წონის კლება
  • დიარეა
  • ღებინება
  • მანამდე არსებული კარდიოპათიის გაუარესება

ზემოთ ჩამოთვლილი გვერდითი რეაქციები ქრება დოზის შემცირებასთან ერთად ან მკურნალობის დროებით შეწყვეტასთან ერთად.

2.10 ვარგისობის ვადა:

მითითებულია შიდა და გარე შეფუთვებზე.

არ გამოიყენოთ პრეპარატი ვარგისობის ვადის გასვლის შემდეგ.

2.11 შენახვის პირობები:

პროდუქტის შენახვა საჭიროა არაუმეტეს 25℃ტემპერატურაზე. დაიცავით სინათლის ან ნესტისგან.

მისი შენახვა ასევე უნდა მოხდეს ორიგინალ შეფუთვაში და ბავშვებისთვის მიუწვდომელ ადგილას.

2.12. ბოლო გადახედვის თარიღი:

25.01.2010.

  1. ინფორმაცია პრეპარატის სწორი გამოყენების შესახებ

მოცემული პრეპარატი გამოწერილია ექიმის მიერ მხოლოდ თქვენი სპეციფიური პრობლემებისთვის. დაუშვებელია პრეპარატის გადაცემა სხვა პირებისთვის ან სხვა დაავადებისთვის გამოყენება ექიმთან წინასწარი კონსულტაციის გარეშე.

ნებისმიერი გვერდითი ეფექტის განვითარებისას, მიმართეთ ექიმს ან ფარმაცევტს.

კითხვების შემთხვევაში პრეპარატის შესახებ ინფორმაციაზე ან თქვენი დაავადების შესახებ მიმართეთ ექიმს ან ფარმაცევტს.

იმისათვის რომ პრეპარატი იყოს ეფექტური და უსაფრთხო, მისი მიღება საჭიროა ყუთში არსებული გამოყენების ისნტრუქციების მიხედვით.

თქვენი უსაფრთხოებისა და ჯანმრთელობისთვის აუცილებელია პრეპარატის შესახებ ინფორმაცია წაიკითხოთ ყურადღებით .

არ შეინახოთ პრეპარატი აბაზანაში, ვინაიდან სიცხე და სინესტე გააფუჭებს მას და გახდის საზიანოს თქვენი ჯანმრთელობისთვის.

არ შეინახოთ პრეპარატები, რომელსაც არ იყენებთ ან რომელიც ვადაგასულია.

შეინახეთ პრეაპრატების ბავშვებისთვის მიუწვდომელ ადგილას.

  1. მოწოდების შესახებ ზოგადი განმარტება

სამედიცინო პროდუქტი გაიცემა ექიმის რეცეპტით.

 

PSP გირჩევთ