კატეგორიები

  • კო-რენიტეკი 20/12,5მგ 14 ტაბლეტი

  • ფასი: 0.00 ლ
  • მოიძიე აფთიაქებში

    გაიცემა მხოლოდ რეცეპტით
  • ჩვენებები: არტერიული ჰიპერტენზია, რომელიც უკეთესად ექვემდებარება კომბინირებულ მკურნალობას.



საერთაშორისო დასახელება:

 

ENALAPRIL; HYDROCHLORTHIAZIDE

მწარმოებელი: MERCK SHARP & DOHME IDEA, ნიდერლანდები

მოქმედი ნივთიერება: ენალაპრილი+ჰიდროქლორთიაზიდი

კლინიკურ-ფარმაკოლოგიური ჯგუფი:

ანგიოტენზინგარდამქმნელი ფერმენტის ინჰიბიტორის და დიურეზული საშუალების კომბინირებული პრეპარატი. ჰიპოტენზიური საშუალება.

შემადგენლობა და გამოშვების ფორმა:

ტაბლეტები: შეფუთვაში 100 ც.

1 ტაბ.

ენალაპრილის მალეატი .............. 20 მგ

ჰიდროქლორთიაზიდი ............. 12.5 მგ

ფარმაკოლოგიური თვისებები:

პრეპარატი წარმოადგენს ანგიოტენზინგარდამქნელი ფერმენტის ინჰიბიტორის და დიურეზული საშუალების კომბინაციას.

იგი ეფექტურია არტერიული ჰიპერტენზიის მკურნალობის დროს. ორივე კომპონენტის ჰიპოტენზიური ეფექტი აძლიერებს ურთიერთს და იგი გრძელდება 24 საათს. პაციენტთა უფრო მაღალი პროცენტი არტერიული ჰიპერტენზიით უკეთესად რეაგირებს კო-რენიტეკით მკურნალობაზე, ვიდრე მასში შემავალი ცალკე კომპონენტის დანიშვნისას.

ჩვენებები:

  • არტერიული ჰიპერტენზია, რომელიც უკეთესად ექვემდებარება კომბინირებულ მკურნალობას.

მიღების წესი და დოზირება:

არტერიული ჰიპერტენზიის დროს ჩვეულებრივი დოზა შეადგენს 1 ტაბლეტს ერთხელ დღეში.

საჭიროების შემთხვევაში შესაძლებელია 2 ტაბლეტის მიღება დღეში ერთხელ.

სხვა დიურეზული საშუალებებით მკურნალობა უნდა შეწყდეს 2-3 დღით ადრე კო-რენიტეკით  მკურნალობის დაწყებამდე, რათა თავიდან იქნას აცილებული საწყისი სიმპტომური ჰიპოტენზია.

თირკმელების უკმარისობის დროს თიაზიდური შარდმდენი საშუალებები შეიძლება არ იყოს საკმარისად ეფექტური, განსაკუთრებით, თუ კრეატინინის კლირენსი შეადგენს 30 მლ/წთ ან მასზე ნაკლებს (საშუალო ან მძიმე ხასიათის თირკმელების უკმარისობა).

პაციენტებში რენული კლირენსის დროს ფარგლებში >30-დან <80-მდე კო-რენიტეკი შეიძლება იქნას გამოყენებული თითოეული კომპონენტის დოზების წინასწარი შერჩევის შემდეგ. რეკომენდებული დოზა თირკმელების ზომიერი უკმარისობის დროს მერყეობს 5-დან 10 მგ-მდე.

გვერდითი მოვლენები:

ყველაზე ხშირად ადგილი აქვს თავბრუსხვევას და მომატებულ დაღლილობას, რომლებიც შექცევადია და არ მოითხოვს მკურნალობის შეწყვეტას. აღინიშნება აგრეთვე კუნთების კრუნჩხვები, გულისრევა, ასთენია, ორთოსტატული ჰიპოტენზია, თავის ტკივილი, ხველება და იმპოტენცია.

გულ-სისხლძარღვთა სისტემის მხრივ: სინკოპე, ჰიპოტენზია, ტკივილი გულის არეში, გულის ცემის გახშირება.

ნერვული სისტემის მხრივ: უძილობა, ძილიანობა, პარესთეზიები, თავბრუსხვევა, მომატებული ნერვული აგზნებადობა და გაღიზიანებადობა.

კუჭ-ნაწლავის სისტემის მხრივ: გულისრევა, დიარეა, პანკრეატიტი, დისპეფსია, მუცლის ტკივილი, მეტეორიზმი, ყაბზობა.

სასუნთქი სისტემის მხრივ: სუნთქვის გაძნელება;

ალერგიული რეაქციები: გამონაყარი კანზე, ქავილი, სტივენს-ჯონსონის სინდრომი, ძლიერი ოფლდენა.

კანის მხრივ: ქავილი, ალოპეცია, სახის სიწითლე.

ლაბორატორიული მაჩვენებლები: შესაძლოა ჰიპერგლიკემია, ჰიპერურიკემია, შარდოვანას, კრეატინინის მომატება სისხლში, ჰემატოკრიტის მაჩვენებლების შემცირება, ღვიძლის ფერმენტების აქტივობის მომატება, აგრეთვე ბილირუბინის მომატება.

სხვადასხვა: თირკმელების დისფუნქცია, თირკმელების უკმარისობა, ლიბიდოს დაქვეითება, პირის სიმშრალე, პოდაგრა, შუილი ყურებში, ართრალგია, აღწერილია სიმპტომთა კომპლექსი, როგორიცაა: ცხელება, სეროზიტი, ვასკულიტი, მიალგია, მიოზიტი, ართრიტი, დადებითი ტესტი ანტინუკლეარულ ანტისხეულებზე, ედს-ის აჩქარება, ეოზინოფილია, ლეიკოციტოზი, შესაძლებელია გამონაყარი, ფოტოსენსიბილიზაცია, ზოგჯერ ანგიონევროზული შეშუპება სახის, კიდურების, ტუჩების, ენის, ხორხის და სხვა დერმატოლოგიური რეაქციები.

უკუჩვენებები:

* ანურია. ანამნეზში აგფ ინჰიბიტორებზე ალერგიული რეაქცია (ანგიონევროზული შეშუპება) და მომატებული მგრძნობელობა პრეპარატის რომელიმე კომპონენტის და სულფონამიდების მიმართ.

ორსულობა და ლაქტაცია:

ორსულობისა და ლაქტაციის პერიოდში პრეპარატი არ გამოიყენება.

განსაკუთრებული მითითებები:

როგორც ნებისმიერი სხვა საშუალებით ჰიპოტენზიური მკურნალობის დროს, შესაძლებელია სიმპტომური ჰიპოტენზის განვითარება. მკურნალობის პერიოდში საჭიროა: სისტემატურად არტერიული წნევის და თირკმელების ფუნქციის კონტროლი. სიმპტომური ჰიპოტენზია ხშირად ვითარდება შარდმდენების მიღებით გამოწვეული ჰიპოვოლემიის, დიარეის ან ღებინების ფონზე. საჭიროა სისხლში ელექტროლიტების კონტროლი.

სიმპტომური ჰიპოტენზია ვითარდება შარდმდენების მიღების, ჰიპონატირიემიის და თირკმელების უკმარისობის გამო. ასეთი პაციენტები განსაკუთრებულ ყურადღებას საჭიროებენ.

სიფრთხილეა საჭირო გულის იშემიური დაავადებით და თავის ტვინის სისხლძარღვების დაავადების დროს, ვინაიდან ჰიპოტენზიამ შეიძლება გამოიწვიოს ინფარქტის და ინსულტის განვითარება. ჰიპოტენზიის შემთხვევაში პაციენტი უნდა იმყოფებოდეს ჰორიზონტალურ მდგომარეობაში და საჭიროების შემთხვევაში გადაესხას ფიზიოლოგიური ხსნარი.

თირკმელების უკმარისობის დროს (კრეატინინის კლირენსი <80 მლ/წთ) პრეპარატის გამოყენება არ არის რეკომენდებული. ზოგ შემთხვევაში ჰიპოტენზია აუარესებს თირკმელების ფუნქციას, იშვიათად ვითარდება თირკმელების მწვავე შექცევადი უკმარისობა. ზოგ პაციენტში თირკმლის არტერის ორმხრივი სტენოზით, ადგილი აქვს კრეატინინის და შარდოვანას დონის მომატებას სისხლში. მკურნალობის შეწყვეტისას მაჩვენებლები ნორმას უბრუნდება.

ცალკეულ შემთხვევაში, პაციენტებში, თირკმელების ნორმალური ფუნქციით მკურნალობამდე, რენიტეკის და დიურეზული საშუალებების ერთად დანიშვნა იწვევს კრეატინინის დონის სისხლში და შარდოვანას შარდში უმნიშვნელო მომატებას. ამ დროს რეკომენდებულია პრეპარატის დოზის შემცირება ან მისი მოხსნა.

თირკმლის არტერიის ბილატერალური სტენოზის დროს კო-რენიტეკით მკურნალობის პერიოდში შრატში იზრდება კრეატინინის, ხოლო სისხლში შარდოვანას რაოდენობა. მკურნალობის შეწყვეტის შემდეგ აღნიშნული მაჩვენებლები კვლავ ნორმას უბრუნდება.

თიაზიდები სიფრთხილით გამოიყენება პაციენტებში ღვიძლის ფუნქციის დარღვევით,ვინიადან წყალ-ელექტროლიტური ბალანსის ცვლილებამ შეიძლება გამოიწვიოს ღვიძლის კომა.

ქირურგიული ოპერაციების დროს, ან ჰიპოტენზიის გამომწვევის საანესთეზიო საშუალებების გამოყენებისას ენალაპრილი აბლოკირებს ანგიოტენზინ II-ს, რომელიც მეორადია რენინის კომპენსატორულ გამონთავისუფლებასთან მიმართებაში. ამ დროს განვითარებული არტერიული ჰიპოტენზია კორეგირდება ცირკულაციიაში მყოფი სისხლის მოცულობის გაზრდით. თიაზიდები ცვლიან ტოლერანტობას გლუკოზის მიმართ, რაც საჭიროებს ანტიდიაბეტური პრეპარატების და ინსულინის დოზის კორეგირებას.

თიაზიდები აქვეითებენ კალციუმის ექსკრეციას შარდით და შეუძლიათ გამოიწვიონ სისხლის შრატში გარდამავალი ჰიპერკალციემია. გამოხატული ჰიპერკალციემია შეიძლება იყოს ფარული ჰიპერპარათირეოდიზმის სიმპტომი. ამ შემთხვევაში თიაზიდების მიღება უნდა შეწყდეს პარათირეოიდული ჯირკვლების ფუნქციის გამოკვლევის წინ.

ქოლესტერინის და ტრიგლიცერიდების დონის მომატება კო-რენიტეკის მიღების დროს ჩვეულებრივ შექცევადი და უმნიშვნელოა და წარმოადგენს დიურეზული საშუალებებით მკურნალობის შედეგს. თიაზიდები იწვევენ ჰიპერურიკემიას და პოდაგრის გამწვავებას. ამავე დროს კო-რენტეკი ზრდის შარდში შარდმჟავას რაოდენობას, რის გამოც სუსტდება ჰიდროქლოროთიადიზის ჰიპერურიკემიული ეფექტი.

აგფ ინჰიბიტორების გამოყენება იშვიათად იწვევს ალერგიულ რეაქციებს: სახის, ტუჩების, ენის, კიდურების ანგიონევროზულ შეშუპებას, რომელთა განვითარებისას მკურნალობა უნდა შეწყდეს.

ამ დროს ინიშნება ანტიჰისტამინური საშუალებები, ხოლო სასუნთქი გზების ობსტრუქციის შემთხვევაში კანქვეშ გამოიყენება ადრენალინი 1:1000 (0.3-0.5 მლ).

ანამნზეში ანგიონევროზული შეშუპების არსებობა ზრდის მისი კვლავ განვითარების რისკს კო-რენიტეკით თერაპიისას.

იშვიათად რენიტეკით მკურნალობის პერიოდში პაციენტებში ჰიპოსენსიბილიზაცია ალერგენით იწვევს ანაფილაქსიური რეაქციის განვითარებას, რის გამოც სასურველია ჰიპოსენსიბილიზაციამდე რამოდენიმე დღით ადრე დროებით მოიხსნას რენიტეკი.

დიალიზზე (პოლიაკრილონიტროლის მემბრანების გამოყენებით) მყოფ პაციენტებს,რომლებიც ღებულობენ  კო-რენიტეკს, შესაძლოა განუვითარდეთ ანაფილაქსიური რეაქცია, რის გამოც ამ ტიპის მემბრანების გამოყენება დიალიზის დროს არ არის რეკომენდებული.

შესაძლებელია ხველის განვითარება, რაც ქრება პრეპარატის მოხსნის შემდეგ.

კო-რენიტეკით მკურნალობის დროს საჭიროა კალიუმის დონის კონტროლი.

ბავშვებში პრეპარატის ეფექტურობა არ არის შესწავლილი. რაიმე არსებითი განსხვავება კორენიტეკის ეფექტურობასა და მისი ამტანობის მხრივ ხანდაზმულ და ახალგაზრდა პაციენტებში არ არის გამოვლენილი.

სხვა წამლებთან ურთიერთქმედება:

- კო-რენიტეკის დანიშვნით სხვა ჰიპოტენზიურ საშუალებებთან ერთად ჰიპოტენზიური ეფექტი ძლიერდება. კო-რენიტეკით მონოთერაპიის დროს კალიუმის რაოდენობა საშუალოდ აღწევს 0.2მეკვ/ლ. დიურეზული საშუალებების დანიშვნა კო-რენიტეკით გამოწვეულ ჰიპერკალემიას ამცირებს.

- კო-რენიტეკის და კალიუმის პრეპარატების ერთდროული დანიშვნა მნიშვნელოვნად ზრდის კალიუმის დონეს სისხლში. საჭიროა კალიუმის დონის კონტროლი ასეთი კომბინაციის დროს.

კო-რენიტეკით მკურნალობისას შესაძლოა ლითიუმის კლირენსის დაქვეითება, მისი რაოდენობის მომატებით სისხლში და ინტოქსიკაციის განვითარებით, რაც მოითხოვს მის რეგულარულ განსაზღვრას სისხლში.

- თირკმელების უკმარისობის დროს, არასტეროიდული ანთების საწინააღმდეგო საშუალებების გამოყენების შემთხვევაში კო-რენიტეკთან კომბინაციაში შესაძლებელია თირკმელების ფუნქციის შემდგომი გაუარესება.

- კო-რენიტეკი ზრდის მგრძნობელობას ტუბოკურარინის მიმართ.

შენახვის პირობები:

პრეპარატი ინახება არა უმეტეს 300C  ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილას.