კატეგორიები

  • ბეტაჰისტინი-ჰუმანითი 24მგ 60 ტაბლეტი

  • ფასი: 0.00 ლ
  • მიღების ჩვენებები - მენიერის სინდრომი, რომელიც ხასიათდება სიმპტომების ტრიადით: თავბრუსხვევა (რომელსაც თან ახლავს გულისრევა და ღებინება), ყურებში ხმაური, სმენის პროგრესირებადი დაქვეითება (სმენის დაკარგვა). - ვესტიბულური თავბრუსხვევის სიმპტომური მკურნალ



ბეტაჰისტინი-ჰუმანითი
სავაჭრო დასახელება
Betahistine-HUMANITY
საერთაშორისო არაპატენტური დასახელება
ბეტაჰისტინი
წამლის ფორმა
8 მგ, 16 მგ და 24 მგ ტაბლეტები
შემადგენლობა
8 მგ დოზირება
ერთი ტაბლეტი შეიცავს
აქტიური ნივთიერება ბეტაჰისტინის დიჰიდროქლორიდი – 8 მგ
დამხმარე ნივთიერებები: მიკროკრისტალური ცელულოზა, სიმინდის სახამებელი,
კრემნიუმის დიოქსიდი კოლოიდური, უწყლო, პოვიდონი, გასუფთავებული ტალკი,
მაგნიუმის სტეარატი, ნატრიუმის სახამებლის გლიკოლატი.
16 მგ დოზირება
ერთი ტაბლეტი შეიცავს
აქტიური ნივთიერება ბეტაჰისტინის დიჰიდროქლორიდი – 16 მგ
დამხმარე ნივთიერებები: მიკროკრისტალური ცელულოზა, სიმინდის სახამებელი,
კრემნიუმის დიოქსიდი კოლოიდური, უწყლო, პოვიდონი, გასუფთავებული ტალკი,
მაგნიუმის სტეარატი, ნატრიუმის სახამებლის გლიკოლატი, საღებავი ყვითელი მზის
ჩასვლა.
24 მგ დოზირება
ერთი ტაბლეტი შეიცავს
აქტიური ნივთიერება:
ბეტაჰისტინის დიჰიდროქლორიდი – 24 მგ;
დამხმარე ნივთიერებები: მიკროკრისტალური ცელულოზა, სიმინდის სახამებელი,
კრემნიუმის დიოქსიდი კოლოიდური, უწყლო, საღებავი ტარტრაზინი, პოვიდონი,
გასუფთავებული ტალკი, მაგნიუმის სტეარატი, ნატრიუმის სახამებლის გლიკოლატი.
აღწერა
8 მგ დოზირება
თეთრი ფერის, მრგვალი ტაბლეტები, ერთ მხარეს გამყოფი ღარით.
16 მგ დოზირება
ღია ნარინჯისფერი, მრგვალი ტაბლეტები, ერთ მხარეს გამყოფი ღარით.
24 მგ დოზირება
ცისფერი, მრგვალი ტაბლეტები, ერთ მხარეს გამყოფი ღარით.
ფარმაკოთერაპიული ჯგუფი
ნერვული სისტემის დაავადებების სამკურნალო სხვა პრეპარატები. თავბრუხვევის
მოსახსნელი საშუალება. ბეტაჰისტინი.
ათქ კოდი: N07CА01
ფარმაკოლოგიური თვისებები
ფარმაკოკინეტიკა
ბეტაჰისტინი სწრაფად და მთლიანად შეიწოვება ტაბლეტირებული ფორმიდან, აღწევს
ჰემატოენცეფალურ ბარიერში (ჰებ), მეტაბოლიზდება ღვიძლში არააქტიური
მეტაბოლიტების წარმოქმნით. სისხლის პლაზმაში ნახევარდაშლის პერიოდი შეადგენს
3-5 საათს, პრაქტიკულად მთლიანად გამოიყოფა შარდით 24 საათში.
ფარმაკოდინამიკა
ჰისტამინის სინთეზური ანალოგი. მოქმედებს ჰისტამინის მსგავსად Н1 და Н3 ჰისტამინურ
რეცეპტორებზე. იწვევს პრეკაპილარების გაფართოვებას, აუმჯობესებს
მიკროცირკულაციას შუა ყურის სისხლძარღვებში. არეგულირებს ენდოლიმფის წნევას
შუა ყურის სტრუქტურებში (ლაბირინთი და ლოკოკინა), იწვევს კლინიკური
სიმპტომატიკის გაუმჯობესებას სხვადასხვა ვესტიბულური დაავადებებისას. ზრდის
ტვინის სისხლის ნაკადს და ახდენს გავლენას ვესტიბულურ ნეირონებზე. პრეპარატი
ახდენს როგორც ვესტიბულური, ასევე კოხლეარული დარღვევების ნორმალიზებას,
ყურებში ხმაურის და შუილის კუპირებას, ხელს უშლის სიყრუის განვითარებას.
მიღების ჩვენებები
- მენიერის სინდრომი, რომელიც ხასიათდება სიმპტომების ტრიადით:
თავბრუსხვევა (რომელსაც თან ახლავს გულისრევა და ღებინება), ყურებში
ხმაური, სმენის პროგრესირებადი დაქვეითება (სმენის დაკარგვა).
- ვესტიბულური თავბრუსხვევის სიმპტომური მკურნალობა.

მიღების წესი და დოზები
ტაბლეტები შიგნით მისაღებად, სასურველია მიიღოთ საკვების მიღებისას, ან მისი
დასრულებისთანავე.
სადღეღამისო დოზა 8-24 მგ, გაყოფილი 2 ან 3 მიღებაზე.
8 მგ ტაბლეტები 16 მგ ტაბლეტები 24 მგ ტაბლეტები
1-2 ტაბლეტი სამჯერ
დღეში
1/2 – 1 ტაბლეტი სამჯერ
დღეში
1 ტაბლეტი ორჯერ
დღეში
დოზა შეიძლება დარეგულირდეს ჩატარებულ თერაპიაზე პაციენტის პასუხის
შესაბამისად.
მკურნალობა ტარდება ხანგრძლივად. თერაპიის საუკეთესო შედეგები მიიღწევა
პრეპარატის მიღებიდან რამდენიმე თვის შემდეგ. თერაპიის ადრეული დაწყება ხელს
უშლის დაავადების განვითარებას და/ან სმენის დაკარგვას, რომელიც ხდება
დაავადების გვიან სტადიებზე.
პრეპარატისადმი მიჩვევა და ტოლერანტობა არ არის.
რეკომენდებული არ არის 18 წელზე ნაკლები ასაკის პირებში დანიშვნა.
გვერდითი მოვლენები
ხშირი (კლინიკური მონაცემებით):
- გულისრევა, დისპეპსია
- თავის ტკივილი (სიხშირე პლაცებოს ჯგუფის მსგავსია)
სიხშირე უცნობია (პოსტმარკეტინგული მონაცემებით):
- ჰიპერმგრძნობელობის რეაქციები (ანაფილაქსიური მონაცემები), მათ შორის კანის
საფარველის მხრივ (კვინკეს შეშუპება, გამონაყარი, ქავილი, ჭინჭრის ციება)
- ღებინება, მუცლის ტკივილი, მეტეორიზმი (მითითებული სიმპტომები ნაკლებად
იქნება გამოხატული, თუ პრეპარატს მიიღებთ ჭამის დროს, ან შეამცირებთ
დოზას)
წინააღმდეგჩვენებები
- მომატებული მგრძნობლობა პრეპარატის რომელიმე დამხმარე კომპონენტის
მიმართ
- ფეოქრომოციტომა
- კუჭის და თორმეტგოჯა ნაწლავის წყლულოვანი დაავადება გამწვავების ფაზაში
- ბრონქული ასთმა
- ორსულობა და ლაქტაციის პერიოდი
- 18 წლამდე ბავშვთა ასაკი
მედიკამენტური ურთიერთქმედება
სპეციალური კვლევები ურთიერთქმედების შესასწავლად არ ჩატარებულა. ინ ვიტრო
კვლევების საფუძველზე, მოსალოდნელი არ არის ურთიერთქმედება ციტოქრომ Р450
ენზიმებთან ინ ვივო.
ინ ვიტრო კვლევების შედეგებმა აჩვენა, რომ ბეტაჰისტინის მეტაბოლიზმი ითრგუნება
პრეპარატებით, რომლებიც თრგუნავენ მონოამინოოქსიდაზას (მაო ინჰიბიტორები),
ქვეტიპი В ჩათვლით (მაგ. სელეგინინი). ამიტომ რეკომენდებულია სიფრთხილე ბეტანის
და მაო ინჰიბიტორების ერთად დანიშვნისას, სელექტიური მაო- В ჩათვლით.
იმის გამო, რომ ბეტაჰისტინი წარმოადგენს ჰისტამინის ანალოგს, ბეტაჰისტინის
ანტიჰისტამინურ პრეპარატებთან ერთად დანიშვნისას შესაძლებელია ერთ-ერთი
პრეპარატის ეფექტურობის დაქვეითება.
განსაკუთრებული მითითებები
ვესტიბულური თავბრუსხვევის მწვავე შეტევებისას და მენიერის სინდრომისას,
კლინიკური ეფექტი დგება სწრაფად (რამდენიმე საათიდან დღე-ღამემდე).
სასურველი კლინიკური ეფექტი მიიღწევა ხანგრძლივი მიღებისას 4 კვირა და მეტი.
დისპეპსიური მოვლენებისას რეკომენდებულია პრეპარატის მიღება ჭამის დროს, ან მის
შემდეგ. პრეპარატს არა აქვს სედაციური მოქმედება.
პაციენტები ბრონქული ასთმით და/ან კუჭის წყლულოვანი დაავადებით ანამნეზში,
ბეტანით მკურნალობის დროს საჭიროებენ გულმოდგინე მეთვალყურეობას.
ორსულობა და ლაქტაციის პერიოდი
მონაცემები ორსულებში ბეტაჰისტინის გამოყენების შესახებ არასაკმარისია.
პოტენციური რისკი ნაყოფისა და ახალშობილისათვის უცნობია. ბეტანი არ უნდა
დაინიშნოს ორსულობის პერიოდში, თუ სავარაუდო სარგებელი დედისთვის არ
აღემატება პოტენციურ რისკს ნაყოფისთვის/ბავშვისთვის. უცნობია აღწევს თუ არა
ბეტაჰისტინი ქალის რძეში. ბეტაჰისტინის მეძუძური ქალისათვის დანიშვნის
აუცილებლობისას, საჭიროა ძუძუთი კვების შეწყვეტა.
სამკურნალო საშუალების გავლენის თავისებურებები სატრანსპორტო საშუალებების ან
პოტენციურად საშიში მექანიზმების მართვის უნარზე
ბეტაჰისტინს არ აქვს სედაციური ეფექტი და არ ახდენს გავლენას ავტომობილის
მართვის, ან ჩარხებთან და მექანიზმებთან მუშაობის უნარზე.

დოზის გადაჭარბება
სიმპტომები: გულისრევა, ძილიანობა, ზომიერად გამოხატული ტკივილი მუცლის არეში
640 მგ-მდე დოზისას. უფრო სერიოზული გართულებები (კრუნჩხვები, სიმპტომები
ფილტვების და გულის მხრივ) აღინიშნა დოზის განზრახ გადაჭარბებისას,
განსაკუთრებით სხვა პრეპარატებთან კომბინაციაში.
მკურნალობა: სიმპტომური და შემანარჩუნებელი თერაპია.
გამოშვების ფორმა და შეფუთვა
8 მგ ტაბლეტები: 10 ტაბლეტი კონტურულ უჯრედულ ალუმინის ფოლგის შეფუთვაში.
6 კონტურული უჯრედული შეფუთვა გამოყენების ინსტრუქციასთან ერთად
მოთავსებულია მუყაოს კოლოფში.
16 მგ ტაბლეტები: 10 ტაბლეტი კონტურულ უჯრედულ ალუმინის ფოლგის შეფუთვაში.
6 კონტურული უჯრედული შეფუთვა გამოყენების ინსტრუქციასთან ერთად
მოთავსებულია მუყაოს კოლოფში.
24 მგ ტაბლეტები: 10 ტაბლეტი კონტურულ უჯრედულ ალუმინის ფოლგის შეფუთვაში.
6 კონტურული უჯრედული შეფუთვა გამოყენების ინსტრუქციასთან ერთად
მოთავსებულია მუყაოს კოლოფში.
შენახვის პირობები
შეინახეთ გრილ, ბნელ და მშრალ ადგილას. შეინახეთ ბავშვებისთვის მიუწვდომელ
ადგილას.
ვარგისიანობის ვადა
2 წელი
აფთიაქიდან გაცემის პირობები: ფარმაცევტული პროდუქტის ჯგუფი III, გაიცემა
რეცეპტის გარეშე.

მწარმოებელი
Unimax Laboratories, ინდოეთი
სავაჭრო ლიცენზიის მფლობელი
ს.ს.”Humanity-Georgia”, საქართველო

PSP გირჩევთ