კატეგორიები

  • თირკმლის ჩაი ფოთლი 50გ(ფარკონი)

  • ფასი: 0.00 ლ
  • გამოყენება მედიცინაში: გამოიყენება, როგორც შარდმდენი საშუალება თირკმელების მწვავე და ქრონიკული დაავადებების დროს, რომლებსაც თან ახლავს შეშუპების მოვლენები; აზოტემიის, საშარდე გზების კენჭოვანი დაავადებებისას, აგრეთვე ცისტიტის, ურეთრიტის, პოდაგრის დროს.



პარასამკურნალო საშუალების გამოყენების ინსტრუქცია

თირკმლის ჩაის ფოთოლი
Folia Orthosiphonis staminei

წამლის ფორმა: თირკმლის ჩაის ფოთლები.

შემადგენლობა: თირკმლის ჩაის ფოთლები შეიცავს ტრიტერპენულ საპონინებს და გლიკოზიდ ორთოსიფონინს. ასევე შეიცავს ორგანულ მჟავებს, ცხიმოვან მჟავებს, ბიოფლავონოიდებს, მთრიმლავ ნივთიერებებს, ეთეროვან ზეთებს და კალიუმის მარილებს.

ფარმაკოლოგიური ჯგუფი: მცენარეული წარმოშობის შარდმდენი საშუალება.

ფარმაკოლოგიური მოქმედება თირკმლის ჩაის ფოთლები ხელს უწყობს უროდინამიკის ნორმალიზებას, აუმჯობესებს უროდინამიკას, აუმჯობესებს გორგლოვან ფილტრაციას და მილაკების ფუნქციონირებას; ხელს უწყობს ჭარბი მარილების გამოდევნას და ურატული და ოქსალატური კონკრემენტების გახსნას შარდის შეტუტიანების ხარჯზე; ორგანიზმიდან სითხის გამოდევნა იზრდება 2-ჯერ თირკმელებისა და შარდგამომყოფი გზების გამორეცხვის გზით. მცენარის ანტისეპტიკური მოქმედების გამო თირკმლის ჩაის ფოთლები გამოიყენება ტკივილის მოსახსნელად თირკმლის კოლიკების დროს.

გამოყენება მედიცინაში: გამოიყენება, როგორც შარდმდენი საშუალება თირკმელების მწვავე და ქრონიკული დაავადებების დროს, რომლებსაც თან ახლავს შეშუპების მოვლენები; აზოტემიის, საშარდე გზების კენჭოვანი დაავადებებისას, აგრეთვე ცისტიტის, ურეთრიტის, პოდაგრის დროს.

მომზადების წესი: 1 სუფრის კოვზი ნედლეული მოვათავსოთ ემალირებულ ჭურჭელში, დავასხათ 200მლ (1 ჩაის ჭიქა) მდუღარე წყალი და ვადუღოთ მდუღარე წყლის აბაზანაზე 15 წუთის განმავლობაში. შემდეგ გადმოვდგათ, გავაციოთ და გავფილტროთ. დარჩენილი მასა გავწუროთ. მიღებულ ნაყენს დავუმატოთ ანადუღარი წყალი საწყისი მოცულობის (200მლ) მიღებამდე.

მიღების წესი: მიიღება 100-100გ 3-ჯერ დღეში ჭამამდე.

უკუჩვენებები: ინდივიდუალური მგრძნობელობა მცენარის მიმართ, ბავშვთა ასაკი 12 წლამდე, თირკმელებისა და გულის გამოხატული უკმარისობა, თირკმელებში კენჭების არსებობა, რადგან შეიძლება გამოიწვიოს კენჭის დაძვრა და მილაკში გაჭედვა.

ურთიერთქმედება სხვა სამკურნალო საშუალებებთან: დასაშვებია გამოყენება სხვა
პრეპარატებთან ერთად კომპლექსურ თერაპიაში.

გამოყენება ორსულობის და ლაქტაციის პერიოდში: გამოყენება ორსულობის და ლაქტაციის პერიოდში დასაშვებია.

გავლენა ავტოტრანსპორტის მართვის ან სხვა მექანიზმებთან მუშაობისას: არ ახდენს ზემოქმედებას.

ჭარბი დოზა: ჭარბი დოზირების შემთხვევები არ დაფიქსირებულა.

გვერდითი მოვლენები: შესაძლებელია განვითარდეს ალერგიული რეაქციები,

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი - III, გაიცემა რეცეპტის გარეშე.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: ელფოსტის ეს მისამართი დაცულია უსრგებლო წერილებისგან, მის სანახავად Javascript უნდა ჩაირთოს

PSP გირჩევთ