კატეგორიები

  • ბი-სეპტანი 240მგ/5მლ. 100მლ. სუსპენზია

  • ფასი: 0.00 ლ
  • ჩვენებები • ქვემო სასუნთქი გზების ინფექციები: მწვავე და ქრონიკული ბრონქიტი, ბრონქოექტაზიური დაავადება, პნევმონია, ბრონქოპნევმონია, ყივანახველა, პნევმოცისტური პნევმონია, პლევრის ემპიემა, ფილტვის აბსცესი, ქუნთრუშა; • ზემო სასუნთქი გზების ინფექციები: სინუს



შემადგენლობა

აქტიური ნივთიერებები: სულფამეტოქსაზოლი – 200მგ; ტრიმეტოპრიმი - 40 მგ;

ფარმაკოლოგიური თვისებები
სულფანილამიდების ჯგუფის კომბინირებული პრეპარატი მოქმედების ფართო სპექტრით. ბაქტერიციდული ეფექტი დაკავშირებულია ბი-სეპტანის ორმაგ მაბლოკირებელ ზემოქმედებასთან ბაქტერიის მეტაბოლიზმზე. სულფამეტოქსაზოლი არღვევს დიჰიდროფოლიუმის მჟავას სინთეზს ბაქტერიის უჯრედში, ხოლო ტრიმეტოპრიმი აბრკოლებს დიჰიდროფოლიუმის მჟავას გარდაქმნას ტეტრაჰიდროფოლიუმის მჟავად. ბი-სეპტანის კომპონენტად სულფამეტოქსაზოლის არჩევა გამოწვეულია იმით, რომ მას გააჩნია ტრიმეტოპრიმთან ელიმინაციის იგივე სიჩქარე. პრეპარატი ხშირად ეფექტურია იმ მიკროორგანიზმების მიმართ, რომლებიც მდგრადი არიან მისი ცალკეული კომპონენტების მიმართ. პრეპარატის მაღალი კონცენტრაციები აღინიშნება ფილტვის, თირკმელების, წინამდებარე ჯირკვლის ქსოვილებში, თავზურგტვინის სითხეში, ნაღველში, ძვლებში. 
პრეპარატი აქტიურია გრამდადებითი მიკროორგანიზმების მიმართ: Staphylococcus spp, (S.aureus, S. epidermidis, S. pneumoniae, S. pyogenes, S. viridans), Streptococcus spp., (მათ შორის Streptococcus pneumoniae) ბაქტერიები – Corynebacterium diphtheriae; გრამუარყოფითი მიკროორგანიზმები: კოკები -Neisseria gonorrhoeae, ბაქტერიები – Escherichia coli, Shigella spp., Salmonella spp., Proteus spp., Enterobacter spp., Klebsiella spp., Yersinia spp., Vibrio cholerae, Haemophilus influenzae; ანაერობული სპორების არწარმომქმნელი ბაქტერიები – Bacteroides spp. პრეპარატი აქტიურია Chlamydia spp. მიმართ. 
ბი-სეპტანის მიმართ მდგრადია – Pseudomonas aeruginosa, Treponema spp., Mycoplasma spp., Mycobacterium tuberculosis, აგრეთვე ვირუსები და სოკოები.

ფარმაკოკინეტიკა
ტრიმეტოპრიმისა და სულფამეტოქსაზოლის ფარმაკოკინეტიკური თვისებები ზოგი პარამეტრით ემთხვევა ერთმანეთს. ერთჯერადი მიღების შემდეგ სისხლის პლაზმაში ტრიმეტოპრიმის მაქსიმალური კონცენტრაცია შეადგენს 1,5-3 მკგ/მლ ხოლო სულფამეტოქსაზოლის - 40-80 მკგ/მლ. მრავალჯერადი მიღებისას ყოველ 12 საათში ორივე ნივთიერების კონცენტრაცია სტაბილურ დონეს აღწევს ზემოთ აღნიშნულ ზღვრამდე. ნახევრადგამოყოფის პერიოდი საშუალოდ შეადგენს 10 საათს ტრიმეტოპრიმისათვის და 10-16 საათს სულფამეტოქსაზოლისათვის. პლაზმის ცილებთან კავშირი აღწევს 42-46% ტრიმეტოპრიმისათვის და 11% სულფამეტოქსაზოლისათვის. ორივე ნივთიერება, და აგრეთვე მათი მეტაბოლიტები გამოიყოფა ძირითადად შარდთან ერთად, აქედან ტრიმეტოპრიმის 50% და სულფამეტოქსაზოლის 20% - უცვლელი სახით. სულფამეტოქსაზოლის მეტაბოლიტებს არ გააჩნიათ ანტიბაქტერიული აქტივობა, მაშინ როდესაც ტრიმეტოპრომის ზოგიერთი მეტაბოლიტი ფარმაკოლოგიურად აქტიურია.

ჩვენებები
• ქვემო სასუნთქი გზების ინფექციები: მწვავე და ქრონიკული ბრონქიტი, ბრონქოექტაზიური დაავადება, პნევმონია, ბრონქოპნევმონია, ყივანახველა, პნევმოცისტური პნევმონია, პლევრის ემპიემა, ფილტვის აბსცესი, ქუნთრუშა;
• ზემო სასუნთქი გზების ინფექციები: სინუსიტი, ლარინგიტი, ანგინა, ფარინგიტი, ტონზილიტი, შუა ოტიტი; 
• შარდ-სასქესო სისტემის ინფექციები: პიელონეფრიტი, გონორეა ქალებსა და მამაკაცებში, რბილი შანკრი, ვენერიული ლიმფოგრანულომა, საზარდულის გრანულომა; 
• კუჭ-ნაწლავის ტრაქტის ინფექციები: დიზინტერია, ქოლერა, მუცლის ტიფი, სალმონელოზი, შიგელოზი, პარატიფი, ქოლეცისტიტი, ქოლანგიტი, გასტროენტერიტი - გამოწვეული E.ცოლის ენტეროტოქსიური შტამებით; 
• კანისა და რბილი ქსოვილების ინფექციები: აკნე, ფურუნკულოზი, პიოდერმია, აბსცესი;
• ჭრილობის ინფექცია; 
• სხვა: მწვავე და ქრონიკული ოსტეომიელიტი, ბრუცელოზი, სეფსისი, პერიტონიტი, მენინგიტი, თავის ტვინის აბსცესი, ოსტეოარტიკულარული ინფექციები, სამხრეთ ამერიკული ბლასტომიკოზი, მალარია.

მიღების წესები და დოზები
ბი-სეპტანი მიიღება შინაგანად 2 ჯერ დღეში, დილით და საღამოს ჭამის დროს.
• 2-დან 6 თვემდე ჩვილებში: 2.5 მლ (120მგ) დილით და საღამოს.
• 6 თვიდან 5 წლამდე ბავშვებში (20კგ-ზე ნაკლები წონისას): 5 მლ (240მგ) დილით და საღამოს.
• 6 დან 12 წლამდე ბავშვებში (20კგ-ზე მეტი წონისას): 10 მლ (480მგ) 12 საათიანი ინტერვალით;
ბავშვებისათვის რეკომენდებული დღიური დოზა შეადგენს სულფამეტოქსაზოლის დაახლოებით 30 მგ/კგ წონაზე და ტრიმეტროპიმის 6 მგ/კგ-ზე. 
თირკმლის ფუქნციის დაზიანების მქონე პაციენტებისათვის: 
კრეატინის კლირენსით >30 მლ/წთ: სტანდარტული დოზა.
კრეატინის კლირენსით
კრეატინის კლირენსით <15მლ/წთ: არ არის რეკომენდებული

უკუჩვენება
ღვიძლის პარენქიმის მძიმე დაზიანება, თირკმლის ფუნქციის გამოხატული დარღვევები, სისხლის დაავადებები, გლუკოზო-6-ფოსფატდეჰიდროგენაზის დეფიციტი, ორსულობა, ლაქტაცია, მომატებული მგრძნობელობა სულფანილამიდების და ტრიმეტოპრიმის მიმართ

ორსულობა და ლაქტაცია
პრეპარატის გამოყენება ორსულობისა და ლაქტაციის პერიოდში უკუნაჩვენებია.

განსაკუთრებული მითითებები
მკურნალობის კურსის პერიოდში აუცილებელია ორგანიზმს მიეწოდოს საკმაო რაოდენობით სითხე. პრეპარატი ინიშნება სიფრთხილით პაციენტებისათვის, რომელთაც აღენიშნებათ ფოლიუმის მჟავას ნაკლებობა, ალერგიული რეაქციები ანამნეზში, ბრონქული ასთმა, ღვიძლის, თირკმლის ფარისებრი ჯირკვლის ფუნქციის დარღვევა. პრეპარატის ხანგრძლივი გამოყენებისას საჭიროა პერიფერიული სისხლის ანალიზის რეგულარული კონტროლი, ღვიძლისა და თირკმელების ფუნქციონალური მდგომარეობის შემოწმება. ხანდაზმული პაციენტებისათვის რეკომენდებულია ფოლიუმის მჟავას დამატებით დანიშვნა. 
თირკმელების ფუნქციის დარღვევისას საჭიროა დოზირების შემცირება და მიღებებს შორის ინტერვალის გაზრდა.

ჭარბი დოზირება
სიმპტომები: ღებინება, გულისრევა, გონების დაბინდვა, გონების დაკარგვა, ნაწლავური კოლიტი, თავბრუსხვევა, თავის ტკივილი, ძილიანობა, დეპრესია, მხედველობის დაქვეთება, ციება, ჰემატურია, კრისტალურია; ჭარბი დოზის ხანგრძლივად მიღებისას - თრომბოციტოპენია, ლეიკოპენია, მეგალობლასტური ანემია, სიყვითლე.
მკურნალობა: პრეპარატის მიღების შეწყვეტა, კუჭის ამორეცხვა (2 საათის განმავლობაში პრეპარატის მიღებიდან), შარდის მჟავე რეაქციის მომატება (ტრიმეტოპრიმის გამოყოფის გაძლიერებისთვის), დიდი რაოდენობით სითხეების მიღება, კუნთში კალციუმის ფოლინატის ინექცია 5-15მგ/დღეში (აფერხებს ტრიმეტოპრიმის ზემოქმედებას ძვლის ტვინზე), ფორსირებული დიურეზი, აუცილებლობის შემთხვევაში - ჰემოდიალიზი.

სხვა წამლებთან ურთიერთქმედება
ხანდაზმულ პაციენტებში დიურეზული პრეპარატების ერთდროულად მიღებისას შესაძლებელია თრომბოციტოპენიის განვითარება. ბი-სეპტანი აძლიერებს ვარფარინის ანტიკოაგულაციურ მოქმედებას. ამგვარი ურთიერთქმედების არსებობა უნდა გათვალისწინებული იქნას ბი-სეპტანის დანიშვნისას იმ პაციენტებში, რომლებიც იღებენ არაპირდაპირი მოქმედების ანტიკოაგულანტებს. ბი-სეპტანმა შესაძლოა დათრგუნოს ღვიძლში ფენიტიონის მეტაბოლიზმი. ჩვეულებრივი თერაპიული დოზებით მიღებისას პრეპარატი ზრდის ფენიტიონის ნახევრადგამოყოფის პერიოდს 39%-ით და ამცირებს მის კლირენსს 27%-ით. ორივე პრეპარატის ერთდროული დანიშვნისას უნდა გაითვალისწინოთ ფენიტიონის ზემოქმედების გაძლიერების შესაძლებლობა.
სულფანილამიდები გამოდევნიან მეტოტრექსატს პლაზმის ცილებიდან და ზრდიან მის კონცენტრაციას სისხლში.
პაციენტებში, რომლებიც მალარიის პროფილაქტიკის მიზნით ღებულობენ პირიმეტამინს 25 მგ-ზე მაღალი დოზით კვირაში, ბი-სეპტანის ერთდროულად მიღებისას იზრდება მეგალობლასტური ანემიის განვითარების რისკი.
პაციენტებში, რომლებიც თირკმლის ტრანსპლანტაციის შემდეგ იღებდნენ ბი-სეპტანს და ციკლოსპორინს აღინიშნებოდა თირკმლის ფუნქციის განმეორებითი დარღვევა.

შენახვის პირობები და ვადები
შინაგანად მისაღები სუსპენზია - 4,8% 100მლ-იან ფლაკონში. ერთი ფლაკონი ფურცელჩანართთან ერთად მოთავსებულია მუყაოს კოლოფში. 
ვარგისიანობის ვადა: 3 წელი. არ გამოიყენოთ ფლაკონი გახსნიდან ერთი თვის შემდეგ. შენახვის პირობები:
ინახება სინათლისაგან დაცულ ბავშვებისათვის მიუწვდომელ ადგილას არაუმეტეს 25°ჩ ტემპერატურაზე.

PSP გირჩევთ