კატეგორიები

  • ვასტერიდი 5მგ 15 ტაბლეტი

  • ფასი: 0.00 ლ
  • ვასტერიდის 5 მგ ტაბლეტები ნაჩვენებია პროსტატის კეთილთვისებიანი ჰიპერპლაზიის სამკურნალოდ და საკონტროლოდ გადიდებული პროსტატის რეგრესიის, შარდის ნაკადის გაუმჯობესებისა და პროსტატის კეთილთვისებიან ჰიპერპლაზიასთან დაკავშირებული სხვა სიმპტომების მოსახსნელად.




5 მგ შემოგარსული ტაბლეტები

ფარმაკოთერაპიული ჯგუფი:
ტესტოსტერონი – 5 ალფა რედუქტაზას ინჰიბიტორები

ჩვენებები:
ვასტერიდის 5 მგ ტაბლეტები ნაჩვენებია პროსტატის კეთილთვისებიანი ჰიპერპლაზიის სამკურნალოდ და საკონტროლოდ გადიდებული პროსტატის რეგრესიის, შარდის ნაკადის გაუმჯობესებისა და პროსტატის კეთილთვისებიან ჰიპერპლაზიასთან დაკავშირებული სხვა სიმპტომების მოსახსნელად. ვასტერიდი ასევე გამოიყენება შარდის მწვავე შეკავების მოვლენების შესამცირებლად და პროსტატის კეთილთვისებიანი ჰიპერპლაზიის მქონე პაციენტებში პროსტატის კეთილთვისებიანი ჰიპერპლაზიის საწინააღმდეგო ქირურგიული პროცედურების საჭიროების შესამცირებლად.

უკუჩვენებები:
- მომატებული მგრძნობელობა ფინასტერიდის ან რომელიმე დამხმარე საშუალების მიმართ;
- უკუნაჩვენებია იმ ქალებისათვის, რომლებიც არიან ორსულად ან პოტენციურად შეიძლება დაორსულდნენ
- ფინასტერიდი ნაჩვენები არ არის ბავშვებში.
სპეციალური გაფრთხილებები და სიფრთხილის ზომები გამოყენებისას:
ზოგადი:
• პაციენტები, რომლებსაც აღენიშნებათ ნარჩენი შარდის დიდი მოცულობა და/ან სერიოზულად შემცირებული შარდის ნაკადი, უნდა იმყოფებოდნენ დაკვირვების ქვეშ ობსტრუქციული უროპათიის გამო.
• ვასტერიდით მკურნალობაზე მყოფ პაციენტებში გათვალისწინებული უნდა იყოს უროლოგის კონსულტაცია.
• ვასტერიდით მკურნალობის დაწყებამდე უნდა გამოირიცხოს პროსტატის ტრილობულარული ზრდით გამოწვეული ობსტრუქცია.
• არ არსებობს გამოცდილება ღვიძლის უკმარისობის მქონე პაციენტებში. ვინაიდან ვასტერიდი მეტაბოლიზდება ღვიძლში, სიფრთხილეა საჭირო ღვიძლის დაქვეითებული ფუნქციის მქონე პაციენტებში, ვინაიდან ასეთ პაციენტებში შეიძლება აღინიშნოს ფინასტერიდის პლაზმური დონეების მომატება.
• ვასტერიდი შეიცავს ლაქტოზას მონოჰიდრატს. იმ პაციენტებმა, რომლებსაც აქვთ გალაქტოზას აუტანლობის, ლაპ ლაქტაზას ნაკლებობის ან გლუკოზა -გალაქტოზას მალაბსორბციის იშვიათი თანდაყოლილი პრობლემები, არ უნდა მიიღონ ეს პრეპარატი. ყოველი ტაბლეტი შეიცავს 106,180 მგ ლაქტოზას.
ეფექტები პროსტატსპეციფიური ანტიგენისა და პროსტატის კიბოს დადგენაზე:
კლინიკური სარგებელი ჯერჯერობით არ გამოვლენილა ვასტერიდით მკურნალობაზე მყოფ პროსტატის კიბოს მქონე პაციენტებში. შრატში პროსტატსპეციფიური ანტიგენის კონცენტრაციები დაკავშირებულია პაციენტის ასაკთან და პროსტატის მოცულობასთან, ხოლო პროსტატის მოცულობა დაკავშირებულია პაციენტის ასაკთან. ციფრული რექტალური გამოკვლევა და აუცილებლობისას, პროსტატსპეციფიური ანტიგენის შრატში განსაზღვრის ანალიზი უნდა ჩატარდეს ვასტერიდით მკურნალობის დაწყებამდე და პერიოდულად მკურნალობის პერიოდში, რათა გამოირიცხოს პროსტატის კიბო. პროსტატის კიბოს მქონე ან არმქონე მამაკაცებში აღინიშნება პროსტატსპეციფიური ანტიგენის დონეების მნიშვნელოვანი მომატება. ამიტომ, პროსტატის კეთილთვისებიანი ჰიპერპლაზიის მქონე მამაკაცებში, პროსტატსპეციფიური ანტიგენის მაჩვენებლების ნორმის ფარგლებში ყოფნა არ გამორიცხავს პროსტატის კიბოს, მიუხედავად ვასტერიდით მკურნალობისა.
ვასტერიდი იწვევს შრატში პროსტატსპეციფიური ანტიგენის კონცენტრაციების შემცირებას დაახლოებით 50%-ით პროსტატის კეთილთვისებიანი ჰიპერპლაზიის მქონე პაციენტებში პროსტატის კიბოს არსებობის შემთხვევაშიც კი. ეს ფაქტი გათვალისწინებული უნდა იყოს პროსტატის კეთილთვისებიანი ჰიპერპლაზიის მქონე პაციენტების ვასტერიდით მკურნალობისას პროსტატსპეციფიური ანტიგენის მონაცემების შეფასების დროს და ამასთან, არ უნდა გამოირიცხოს იმავდროულად პროსტატის კიბოს არსებობა. შრატში პროსტატსპეციფიური ანტიგენის კონცენტრაციების შემცირება პროგნოზირებადია პროსტატსპეციფიური ანტიგენის მაჩვენებლების საფუძველზე, თუმცა შეიძლება სხვადასხვაგვარი იყოს ინდივიდუალურ პაციენტებში. ვასტერიდით 6 ან მეტი თვის განმავლობაში მკურნალობაზე მყოფ პაციენტებში პროსტატსპეციფიური ანტიგენის მაჩვენებლები უნდა გაორმაგდეს არანამკურნალებ მამაკაცებში ნორმის ფარგლებთან შესადარებლად.

ქალები, რომლებიც არიან ორსულად ან შეიძლება დაორსულდნენ, უნდა მოერიდონ ვასტერიდის გატეხილ ან დამსხვრეულ ტაბლეტებთან შეხებას, ვინაიდან შესაძლებელია ფინასტერიდის აბსორბცია, რაც წარმოადგენს მამრობითი სქესის ნაყოფისათვის პოტენციურ რისკს.
ვასტერიდის ტაბლეტები დაფარულია გარსით, რაც უზრუნველყოფს აქტიურ ინგრედიენტთან შეხების თავიდან აცილებას, იმ შემთხვევაში, თუ ტაბლეტის მთლიანობა დარღვეული არ არის.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები:
გამოვლენილი არ არის კლინიკურად მნიშვნელოვანი ურთიერთქმედებები სხვა პრეპარატებთან. ვასტერიდი მნიშვნელოვან ზეგავლენას არ ახდენს პრეპარატების მეტაბოლიზმში მონაწილე ციტოქრომ P450 ფერმენტულ სისტემაზე. მამაკაცებში ჩატარდა ისეთი ნაერთების ანალიზი, როგორიცაა პროპრანოლოლი, დიგოქსინი, გლიბენკლამიდი, ვარფარინი, თეოფილინი და ანტიპირინი და არავითარი კლინიკური მნიშვნელობა არ გამოვლენილა.
იმავდროულად ჩატარებული სხვა თერაპიები:
მიუხედავად იმისა, რომ კლინიკური გამოკვლევებისას რაიმე სპეციფიური ურთიერთქმედებების გამოკვლევები არ ჩატარებულა, ვასტერიდი გამოიყენებოდა ისეთ საშუალებებთან ერთად, როგორიცაა აგფ ინჰიბიტორები, ალფა-ბლოკატორები, ბეტა-ბლოკატორები, კალციუმის არხების ბლოკატორები, გულის ნიტრატები, დიურეზული საშუალებები, H2 ანტაგონისტები, HMGჩოA რედუქტაზას ინჰიბიტორები, არასტეროიდული ანთების საწინააღმდეგო საშუალებები ასპირინისა და პარაცეტამოლის ჩათვლით, ქინოლონები და ბენზოდიაზეპინები. არავითარი კლინიკურად მნიშვნელოვანი არასასურველი ურთიერთქმედებები არ გამოვლენილა.
ორსულობა და ლაქტაცია:
ვასტერიდი ნაჩვენები არ არის ქალებისათვის.
ორსულობა: ვასტერიდი უკუნაჩვენებია ორსულობის პერიოდში. ტიპი II 5 ალფა-რედუქტაზას ინჰიბიტორების უნარის გამო, მოახდინონ ტესტოსტერონის დიჰიდროტესტოსტერონად გარდაქმნის ინჰიბირება, ორსულ ქალებში გამოყენებისას ამ პრეპარატებმა, ფინასტერიდის ჩათვლით, შეიძლება გამოიწვიონ მამრობითი სქესის ნაყოფში გარეთა სასქესო ორგანოების განვითარების დარღვევები.
ფინასტერიდის ზემოქმედება – რისკი მამრობითი სქესის ნაყოფისათვის:
ქალები, რომლებიც არიან ორსულად ან შეიძლება დაორსულდნენ, უნდა მოერიდონ ვასტერიდის გატეხილ ან დამსხვრეულ ტაბლეტებთან შეხებას, ვინაიდან შესაძლებელია ფინასტერიდის აბსორბცია, რაც წარმოადგენს მამრობითი სქესის ნაყოფისათვის პოტენციურ რისკს.
ვასტერიდის ტაბლეტები დაფარულია გარსით, რაც უზრუნველყოფს აქტიურ ინგრედიენტთან შეხების თავიდან აცილებას, იმ შემთხვევაში, თუ ტაბლეტის მთლიანობა დარღვეული არ არის.
ვასტერიდის მცირე რაოდენობები აღინიშნა იმ სუბიექტების სპერმაში, რომლებიც იღებდნენ დღეში 5 მგ ვასტერიდს. ცნობილი არ არის ახდენს თუ არა უარყოფით გავლენას მამრობითი სქესის ნაყოფზე ფინასტერიდით მკურნალობაზე მყოფი პაციენტის სათესლე ჯირკვლის შიგთავსის კონტაქტი დედასთან. თუ პაციენტის სქესობრივი პარტნიორი არის ორსულად ან პოტენციურად შეიძლება დაორსულდეს, რეკომენდებულია, რომ პაციენტი მოერიდოს სპერმის მის პარტნიორთან მოხვედრას.
ლაქტაცია:
ვასტერიდის 5 მგ შემოგარსული ტაბლეტები ნაჩვენები არ არის ქალებში გამოსაყენებლად. ცნობილი არ არის გადადის თუ არა ფინასტერიდი დედის რძეში.
ეფექტები ავტომობილებისა და მექანიზმების მართვის უნარზე
არ არსებობს მონაცემები ავტომობილებისა და მექანიზმების მართვის უნარზე ვასტერიდით გამოწვეული ზემოქმედების შესახებ.
დოზირება და მიღების წესი:
დოზირება მოზრდილებში:
რეკომენდებული დოზა არის ერთი 5 მგ-იანი ტაბლეტი დღეში საკვებთან ერთად ან მის გარეშე. ტაბლეტები უნდა გადაიყლაპოს მთლიანად, ტაბლეტების გაყოფა ან დამსხვრევა არ შეიძლება. მიუხედავად იმისა, რომ მდგომარეობის გაუმჯობესება შეიძლება აღინიშნოს მოკლე დროში, შეიძლება აუცილებელი იყოს მინიმუმ ექვსთვიანი მკურნალობა, რათა ობიექტურად განისაზღვროს მკურნალობაზე დამაკმაყოფილებელი პასუხის მიღება.
დოზირება ბავშვებში:
ვასტერიდი უკუნაჩვენებია ბავშვებში.
დოზირება ხანდაზმულებში:
დოზის კორექცია აუცილებელი არ არის, თუმცა ფარმაკოკინეტიკური გამოკვლევები აჩვენებს, რომ ვასტერიდის ელიმინაციის სიჩქარე ოდნავ მცირდება 70 წელზე მეტი ასაკის პაციენტებში.
დოზირება ღვიძლის უკმარისობისას:
არ არსებობს მონაცემები ღვიძლის უკმარისობის მქონე პაციენტებში დოზირების შესახებ.
დოზირება თირკმლის უკმარისობისას:
დოზის კორექცია აუცილებელი არ არის სხვადასხვა ხარისხის თირკმლის უკმარისობის მქონე პაციენტებში (დაწყებული კრეატინინის კლირენსიდან მინიმუმ 9 მლ/წთ), ვინაიდან ფარმაკოკინეტიკური გამოკვლევებისას თირკმლის უკმარისობას არ მოუხდენია გავლენა ვასტერიდის ელიმინაციაზე. ვასტერიდი არ არის შესწავლილი ჰემოდიალიზზე მყოფ პაციენტებში.
ჭარბი დოზირება:
ვასტერიდის ჭარბი დოზირების სპეციფიური მკურნალობა რეკომენდებული არ არის. პაციენტებში გამოიყენებოდა 400 მგ-მდე ფინასტერიდის ერთჯერადი დოზები და 80 მგ-მდე დღეში ფინასტერიდის მრავალჯერადი დოზები სამ თვემდე პერიოდის განმავლობაში ყოველგვარი არასასურველი ეფექტის გარეშე.
ჭარბი დოზის მიღებისას დაუყოვნებლივ მიმართეთ ექიმს ან უახლოეს საავადმყოფოს.
თუ გაქვთ რაიმე შეკითხვა ვასტერიდის გამოყენებასთან დაკავშირებით, მიმართეთ თქვენს ექიმს ან ფარმაცევტს.
გვერდითი ეფექტები:
ყველა პრეპარატის მსგავსად, ვასტერიდმაც შეიძლება გამოიწვიოს გვერდითი ეფექტები, თუმცა არა ყველა პაციენტში.
ყველაზე ხშირი არასასურველი ეფექტებია იმპოტენცია და ლიბიდოს დაქვეითება. ეს ეფექტები ჩვეულებრივ ვლინდება მკურნალობის დასაწყისში და პაციენტთა უმრავლესობაში არის გარდამავალი მკურნალობის გაგრძელების ფონზე.
შემდეგი გვერდითი ეფექტები გამოვლინდა პრეპარატის რეალიზაციაში გაშვების შემდეგ. სიხშირე განისაზღვრება შემდეგნაირად: (ხშირი: 100-დან 1 პაციენტში – 10-დან 1 პაციენტში, არახშირი: 1000-დან 1 პაციენტში – 100-დან 1 პაციენტში, იშვიათი: 10000-დან 1 პაციენტში – 1000-დან 1 პაციენტში, ძალიან იშვიათი: 10 000-დან 1-ზე ნაკლებ პაციენტში).
- დარღვევები რეპროდუქციული სისტემისა და მკერდის მხრივ:
ხშირი: იმპოტენცია
იშვიათი, ეაკულაციის დაქვეითება, მკერდის გადიდება/მკერდის მგრძნობელობა, ეაკულაციის დარღვევა (მაგ. ეაკულატის მოცულობის შემცირება)
იშვიათი: სათესლეების ტკივილი;
- დარღვევები კანისა და კანქვეშა ქსოვილის მხრივ:
არახშირი: კანზე გამონაყარი
იშვიათი: ქავილი, ჭინჭრის ციება;
- ზოგადი დარღვევები და მდგომარეობები მიღების ადგილას:
იშვიათი: ჰიპერმგრძნობელობის რეაქციები, როგორიცაა სახისა და ტუჩების შეშუპება;
- დიაგნოსტიკური ანალიზები:
ხშირი: ეაკულატის მოცულობის შემცირება;
- გულის დაავადება:
იშვიათად: პულსაცია;
- ფსიქიკური დარღვევები:
ხშირი: ლიბიდოს დაქვეითება.
კლინიკური ცდებისას და რეალიზაციაში გაშვების შემდეგ აღინიშნა მამაკაცებში მკერდის კიბო.
პროსტატული სიმპტომების სამედიცინო თერაპია:
პროსტატული სიმპტომების სამედიცინო თერაპიის კვლევისას მოხდა ფინასტერიდის 5 მგ/დღეში (ნ=768), დოქსაზოსინის 4 ან 8 მგ (ნ=756), ფინასტერიდის 5 მგ დღეში და დოქსაზოსინის 4 ან 8 მგ დღეში (ნ=786) კომბინაციური თერაპიისა და პლაცებოს (ნ=737) შედარება. აღნიშნული კვლევისას კომბინაციური თერაპიის უსაფრთხოებისა და ტოლერანტულობის პროფილი შეესაბამებოდა ინდივიდუალური კომპონენტების პროფილებს. პრეპარატთან კავშირში თუ მის გარეშე, ეაკულაციის დარღვევების შემთხვევები იყო შემდეგი: ფინასტერიდის შემთხვევაში - 8.3%, დოქსაზოსინის შემთხვევაში - 5.3%, კომბინაციისას - 15.0%, პლაცებოს შემთხვევაში - 3.9%. გარდა ამისა, იმ პაციენტებში, რომლებიც გადიოდნენ კომბინაციურ თერაპიას ნერვულ სისტემასთან დაკავშირებული არასასურველი რეაქციების დიდი სიხშირით აღინიშნა.
ლაბორატორიული ანალიზის შედეგები:
შრატში პროსტატსპეციფიური ანტიგენის კონცენტრაცია დაკავშირებულია პაციენტის ჯგუფთან და პროსტატის მოცულობასთან, ხოლო პროსტატის მოცულობა – პაციენტის ასაკთან. პროსტატსპეციფიური ანტიგენის ლაბორატორიული ანალიზების შეფასებისას გათვალისწინებული უნდა იყოს ის ფაქტი, რომ პროსტატსპეციფიური ანტიგენის დონეები ზოგადად მცირდება ვასტერიდით მკურნალობაზე მყოფ პაციენტებში. პაციენტთა უმრავლესობაში, პროსტატსპეციფიური ანტიგენის სწრაფი დაქვეითება ვლინდება თერაპიის პირვე თვეებში, რის შემდეგაც პროსტატსპეციფიკური ანტიგენის დონეები სტაბილიზდება ახალ საბაზისო დონეზე.
დიაგნოსტიკური ტესტები:
პროსტატსპეციფიური ანტიგენის დონეები ზოგადად მცირდება ვასტერიდით მკურნალობაზე მყოფ პაციენტებში დაახლოებით 50%-ით მკურნალობის პერიოდში.
ინსტრუქციაში წარმოდგენილი მითითებების დაცვა ამცირებს გვერდითი ეფექტების რისკს.
რომელიმე აქ ხსენებული გვერდითი ეფექტის, ან ისეთი გვერდითი ეფექტის განვითარებისას, რომელიც მითითებული არ არის წინამდებარე ინსტრუქციაში, დაუყოვნებლივ აცნობეთ ექიმს ან ფარმაცევტს.
შენახვის ვადა და პირობები:
ვარგისიანობის ვადა: ვარგისიანობის ვადა (36 თვე) იხილეთ შეფუთვაზე.
ვარგისიანობის ვადა ეხება გაუხსნელ, სათანადო წესით შენახულ პრეპარატს.
გაფრთხილება: არ გამოიყენოთ ეს პრეპარატი შეფუთვაზე მითითებული ვარგისიანობის ვადის გასვლის შემდეგ.
შეინახეთ 250ჩ-მდე ტემპერატურაზე.
დაუშვებელია პრეპარატების გადაყრა კანალიზაციაში ან საყოფაცხოვრებო ნაგავში. ჰკითხეთ ფარმაცევტს, თუ როგორ უნდა მოიქცეთ, როდესაც პრეპარატები აღარ გჭირდებათ. ეს ზომები უზრუნველყოფს გარემოს დაცვას.
შეინახეთ ვასტერიდი ბავშვებისათვის მიუწვდომელ ადგილას.

შემადგენლობა: ერთი ტაბლეტი შეიცავს:
აქტიური სუბსტანცია: ფინასტერიდი 5 მგ;
დამხმარე სუბსტანციები: პრეჟელატინიზებული სახამებელი, მიკროკრისტალური ცელულოზა, რკინის ოქსიდი ყვითელი (E172), მონოჰიდრატის ლაქტოზა 106.18 მგ, მაგნიუმის სტეარატი, ნატრიუმის სახამებლის გლიკოლატი, ნატრიუმის ლაურილსულფატი.
სტანდარტული შეფუთვა:
ჰიპრომელოზა, ჰიდროქსიპროპილცელულოზა, ტიტანის დიოქსიდი, ლურჯი ინდიგო ლაქი (E132), ტალკი, მაკროგოლი.

ფარმაცევტული ფორმა და შემცველობა:
5 მგ შემოგარსული ტაბლეტი. ყოველი კოლოფი შეიცავს 15 ტაბლეტს.

გაცემის წესი:
ფარმაცევტული პროდუქტის ჯგუფი II – გამოიყენება ექიმის დანიშნულებით.

სავაჭრო სახელწოდება
ვასტერიდი არის “NOVAთOღ PHAღMA LLP”-ს სავაჭრო ნიშანი, დიდი ბრიტანეთი.

მწარმოებელი:Doppel Farmaceutici S.r.l. – Via Martiri delle foibe, 1-29016 Cortemaggiore (PC) - italia

PSP გირჩევთ